വെഞ്ഞാറമൂട്: ശക്തമായ കാറ്റിലും മഴയിലും പറങ്കിമാവ് ഇലക്ട്രിക് ലൈനിന് മുകളിലൂടെ റോഡിലേയ്ക്ക് വീണ് വൈദ്യുതി വിതരണവും ഗതാഗതവും തടസപ്പെട്ടു. പരമേശ്വരം ഇടവം പറമ്പിൽ കഴിഞ്ഞ ദിവസം രാത്രി എട്ടിനായിരുന്നു സംഭവം. ഇടവംപറമ്പ് പ്ലാവിള വീട്ടിൽ തങ്കമ്മയുടെ പുരയിടത്തിൽ നിന്ന കൂറ്റൻ പറങ്കിമാവ് കടപുഴകിയത്. വീഴ്ചയുടെ ആഘാതത്തിൽ ഇലക്ട്രിക് പോസ്റ്റ് തകർന്നു. വെഞ്ഞാറമൂട് ഫയർഫോഴ്സ് എത്തി മരം മുറിച്ചു മാറ്റി ഗതാഗതം പുനഃസ്ഥാപിച്ചു. കെ.എസ്.ഇ.ബി അധികൃതരുടെ ഏറെ നേരത്തെ അറ്റകുറ്റപ്പണികൾക്കൊടുവിലാണ് വൈദ്യുത വിതരണം പുനഃസ്ഥാപിച്ചത്. ഗ്രൈഡ് അസി.സ്റ്റേഷൻ ഓഫീസർ ജെ.രാജേന്ദ്രൻ നായരുടെ നേതൃത്വത്തിൽ അരുൺ മോഹൻ,ബിജേഷ്,സനിൽകുമാർ,ശരത്, അൻസർ എന്നിവരാണ് രക്ഷാപ്രവർത്തനത്തിൽ പങ്കെടുത്തത്.