തിരുവനന്തപുരം: ഭക്ഷണം കഴിക്കുന്നതിനിടെ 16കാരന്റെ അന്നനാളത്തിൽ കുടുങ്ങിയ കോഴിയിറച്ചിയിലെ എല്ല് കിംസ് ഹെൽത്തിൽ അപകട രഹിതമായി നീക്കം ചെയ്‌തു. പത്തനാപുരം സ്വദേശിയുടെ അന്നനാളത്തിൽ കുത്തിതറച്ച നിലയിലായിരുന്നു മൂന്നു അഗ്രങ്ങളോടുകൂടിയ കോഴിയുടെ കഴുത്തെല്ല് കാണപ്പെട്ടത്. കിംസ് ഹെൽത്തിലെ കൺസൾട്ടന്റ് ഗ്യാസ്‌ട്രോ എൻറോളജിസ്റ്റ് ഡോ. മധു ശശിധരനാണ് എൻഡോസ്‌കോപ്പിയിലൂടെ വിജയകരമായി എല്ല് നീക്കം ചെയ്‌തത്. എല്ല് കുടുങ്ങി രണ്ട് ദിവസം കഴിഞ്ഞപ്പോൾ ഭക്ഷണം കഴിക്കാനാവാതെ കടുത്തവേദനയോടെയാണ് കിംസിൽ എത്തിയത്. തുടർന്ന് വിശദമായ പരിശോധനയിലൂടെ അന്നനാളത്തിൽ എല്ല് കണ്ടെത്തി. പൊട്ടുകയോ പൊടിയുകയോ ചെയ്യാതെ അതേപടി നീക്കം ചെയ്‌ത എല്ലിന് അഞ്ചു സെന്റീമീറ്റർ നീളമുണ്ടായിരുന്നതായി ഡോ. മധു ശശിധരൻ വ്യക്തമാക്കി. വീടിനടുത്തുള്ള ഇ.എൻ.ടി സ്‌പെഷലിസ്റ്റ് റെഫർ ചെയ്‌തതിന്റെ അടിസ്ഥാനത്തിലായിരുന്നു രോഗി കിംസിൽ എത്തിയത്. മണിക്കൂറുകൾക്കുള്ളിൽ എല്ല് നീക്കം ചെയ്‌ത് വീട്ടിലേക്ക് തിരിച്ചയച്ചു.