തിരുവനന്തപുരം : സംസ്ഥാനത്ത് 3215 പേർകൂടി കൊവിഡ് ബാധിതരായി. 3013 പേർ സമ്പർക്ക രോഗികളാണ്. 313 പേരുടെ സമ്പർക്ക ഉറവിടം വ്യക്തമല്ലെന്നും മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു.

ഇന്നലെ ടെസ്റ്റ് പോസിറ്റിവിറ്റിയിൽ കുറവുണ്ടായി. തിങ്കളാഴ്ച 11 ആയിരുന്നത് ഇന്നലെ 7 ആയി. 100 പേരെ പരിശോധിക്കുമ്പോൾ 7 പേർക്കാണ് രോഗം. ഇന്നലെ 89 ആരോഗ്യ പ്രവർത്തകരും രോഗബാധിതരായി. 12 മരണങ്ങളും റിപ്പോർട്ട് ചെയ്തു. അതേസമയം 2532 പേർ രോഗമുക്തരായി.

രോഗവ്യാപനം രൂക്ഷമായ തലസ്ഥാനത്ത് പ്രതിദിന രോഗികൾ 600 കടന്നു. ജില്ലയിൽ 656 പേർക്കാണ് ഇന്നലെ രോഗം സ്ഥിരീകരിച്ചത്. മലപ്പുറം 348, ആലപ്പുഴ 338, കോഴിക്കോട് 260, എറണാകുളം 239, കൊല്ലം 234, കണ്ണൂർ 213, കോട്ടയം 192, തൃശൂർ 188, കാസർകോട് 172, പത്തനംതിട്ട 146, പാലക്കാട് 136, വയനാട് 64, ഇടുക്കി 29 എന്നിങ്ങനെയാണ് മറ്റു ജില്ലകളിലെ രോഗബാധാ നിരക്ക്. കഴിഞ്ഞ 24 മണിക്കൂറിനിടെ 41,054 സാമ്പിളുകളാണ് പരിശോധിച്ചത്.