വെഞ്ഞാറമൂട്: വെഞ്ഞാറമൂട് മുക്കൂന്നൂരിൽ നിയന്ത്രണംവിട്ട കാർ റോഡരികിൽ മറിഞ്ഞു. കഴിഞ്ഞ ദിവസം പുലർച്ചെ രണ്ടിനായിരുന്നു അപകടം. ഡ്രൈവർ പരിക്കുകളില്ലാതെ രക്ഷപ്പെട്ടു. വാളക്കാട് ഭാഗത്തു നിന്നും തിരുവനന്തപുരത്തേയ്ക്ക് വരികയായിരുന്ന കാർ നിയന്ത്രണംവിട്ട് റോഡരികിൽ ഇടിക്കുകയായിരുന്നു. കാറിന്റെ മുൻവശം ഭാഗികമായി തകർന്നു. ഡ്രൈവർ ഉറങ്ങിപ്പോയതാണ് അപകട കാരണമെന്ന് പൊലീസ് പറഞ്ഞു.