പോത്തൻകോട് : ഫോൺ വഴി പരിചയപ്പെട്ട പ്രായപൂർത്തിയാകാത്ത പെൺകുട്ടിയെ ഭീഷണിപ്പെടുത്തി പീഡിപ്പിച്ച പ്രതിയെ പോത്തൻകോട് പൊലീസ് അറസ്റ്റുചെയ്തു. നെടുമങ്ങാട് പേരുമല മഞ്ച റസിയ മൻസിലിൽ തൗഫീക്ക് (19 ) ആണ് പിടിയിലായത്.

കൂട്ടുകാരുടെ സഹായത്തോടെ ഫോൺ വഴി പരിചയപ്പെട്ട ശേഷം സൗഹാർദ്ദം നടിച്ച് ഇൻസ്റ്റാഗ്രാം വഴി പെൺകുട്ടിയുടെ നഗ്ന ശരീരം നിർബന്ധിപ്പിച്ച് പ്രദർശിപ്പിച്ചും പെൺകുട്ടിയുടെ വീട്ടിലെത്തി പ്രതി പീഡിപ്പിച്ചതായും പൊലീസ് പറഞ്ഞു. പീഡന വിവരം പുറത്ത് പറഞ്ഞാൽ പെൺകുട്ടിയെയും കുടുംബത്തെയും അപായപ്പെടുത്തുമെന്ന് പറഞ്ഞു ഭീഷണിപ്പെടുത്തിയിരുന്നു. കൂടാതെ പെൺകുട്ടിയിൽ നിന്ന് ഇയാൾ പലപ്രാവശ്യം പണം വാങ്ങിയിരുന്നുവെന്നും പൊലീസ് പറഞ്ഞു. റൂറൽ എസ്‌.പി ബി. അശോകന്റെ മേൽനോട്ടത്തിൽ ആറ്റിങ്ങൽ ഡിവൈ.എസ്.പി എസ്.വൈ. സുരേഷ്‌, പോത്തൻകോട് സി.ഐ ഡി. ഗോപി,​ എസ്.ഐ. അജീഷ്,​ അഡിഷണൽ എസ്. ഐ രവീന്ദ്രൻ, എസ്.ഐ മാരായ സുനിൽകുമാർ,​ ഷാബു,​ സി.​പി.ഒ അരുൺ ശശി എന്നിവർ അടങ്ങുന്ന സംഘമാണ് പ്രതിയെ അറസ്റ്റു ചെയ്തത്. ആറ്റിങ്ങൽ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.