തിരുവനന്തപുരം: പ്ലസ് വൺ ആദ്യ അലോട്ട്‌മെന്റ് പ്രകാരമുള്ള വിദ്യാർത്ഥി പ്രവേശനം ഇന്ന് അവസാനിക്കും. ആദ്യ ഓപ്ഷനിൽ അലോട്ട്‌മെന്റ് ലഭിച്ചവർ ഫീസടച്ച് സ്ഥിരം പ്രവേശനം നേടണം. മറ്റ് ഓപ്ഷനുകളിൽ അഡ്മിഷൻ ലഭിച്ചവർ സ്ഥിരം പ്രവേശനേമാ താൽകാലിക പ്രവേശനമോ നേടണം. അലോട്ട്‌മെന്റ് ലഭിച്ചിട്ടും പ്രവേശനം നേടാത്തവരെ പിന്നീടുള്ള അലോട്ട്‌മെന്റുകളിൽ പരിഗണിക്കില്ല. കണ്ടെയ്ൻമെന്റ് സോണിൽ നിന്നുള്ളവർക്കും കൊവിഡ് നിരീക്ഷണത്തിൽ കഴിയുന്നവർക്കും ഓൺലൈനായി പ്രവേശനം നേടുന്നതിനുള്ള സൗകര്യം ഏർപ്പെടുത്തിയിട്ടുണ്ട്. രണ്ടാം അലോട്ട്‌മെന്റ് ഈ മാസം അവസാനം പ്രസിദ്ധീകരിച്ചേക്കും. ഒക്ടോബർ ആറിന് രണ്ടാം അലോട്ട്‌മെന്റ് പ്രകാരമുള്ള പ്രവേശന നടപടികൾ പൂർത്തിയാക്കും. ഒക്ടോബർ ഒമ്പത് മുതൽ സപ്ലിമെന്ററി അലോട്ട്‌മെന്റ് നടപടികൾ ആരംഭിക്കും.