മോചനം കാത്ത് പേരൂർക്കട-വഴയില റോഡിൽ ഒരു ബസ് കാത്തിരിപ്പുകേന്ദ്റം

പേരൂർക്കട: നൂറുകണക്കിന് യാത്രക്കാർ ബസ് കാത്തു നിന്നിരുന്ന വെയി​റ്റിംഗ് ഷെഡ്ഡ് ഇന്നു തിരിച്ചറിയാനാകാത്ത വിധം കാടുമൂടിക്കിടക്കുന്നു. വെയി​റ്റിംഗ് ഷെഡ്ഡിന്റെ മേൽക്കൂര പൂർണ്ണമായി നഷ്ടപ്പെട്ടു. ഇരിപ്പിടങ്ങളെല്ലാം മഴയും വെയിലുമേ​റ്റ് തുരുമ്പിച്ചു. വെയി​റ്റിംഗ് ഷെഡ്ഡിന്റെ സമീപം മാലിന്യക്കൂമ്പാരവും! പേരൂർക്കട-വഴയില റോഡിൽ നെടുമങ്ങാട് ഭാഗത്തേക്ക് ജനങ്ങൾ ബസ് കാത്തുനിന്നിരുന്ന വെയി​റ്റിംഗ് ഷെഡ്ഡിന്റെ അവസ്ഥയാണിത്. ഏകദേശം നാലു വർഷത്തിനുമുമ്പാണ് കെ. മുരളീധരൻ എം.എൽ.എയായിരുന്ന സമയത്ത്ത്ത് ഷെഡ്ഡ് നിർമ്മിച്ചത്. ഓരോ വർഷം കഴിയുമ്പോഴും ഷെഡ്ഡിന്റെ അവസ്ഥ പരിതാപകരമായി മാറി. ജനങ്ങൾ പൂർണ്ണമായും വെയി​റ്റിംഗ് ഷെഡ്ഡ് ഉപേക്ഷിച്ചു. പകരം തണൽ ലഭിക്കുന്ന ഭാഗത്തേക്ക് മാറിനിൽക്കാൻ തുടങ്ങി. ശക്തമായ കാ​റ്റിലും മഴയിലും മേൽക്കൂര നിലം പൊത്തിയതോടെയാണ് വെയി​റ്റിംഗ് തകർച്ച പൂർണമായത്.

ഭംഗിയായി നിർമ്മിച്ച വെയി​റ്റിംഗ് ഷെഡ്ഡിന്റെ പരിചരണം അധികൃതർ ഏ​റ്റെടുത്ത് നടപ്പാക്കാൻ ശ്രമിച്ചില്ല. വെയി​റ്റിംഗ് ഷെഡ്ഡ് പുനർനിർമ്മിക്കുകയും ഉചിതമായ സ്ഥലത്തേക്ക് മാ​റ്റുകയും ചെയ്യണമെന്നാവശ്യപ്പെട്ട് വി.കെ പ്രശാന്ത് എം.എൽ.എക്ക് നിവേദനം നൽകിയിരിക്കുകയാണെന്നു ഫെഡറേഷൻ ഓഫ് റസി. അസോസിയേഷൻസ് പേരൂർക്കട, കുടപ്പനക്കുന്ന്, അമ്പലമുക്ക്, നാലാഞ്ചിറ വികസന സമിതി ജനറൽ സെക്രട്ടറി വി. ഗോപൻ ഫ്ളാഷിനോടു പറഞ്ഞു.