തിരുവനന്തപുരം: സംസ്ഥാനത്ത് കൊവിഡ് ചികിത്സയിലുള്ളവർ 40,000 കടന്നു. ഇന്നലെ 4125 പേർക്കുകൂടി രോഗം സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 40,382 ആയി. ഇന്നലെ റിപ്പോർട്ട് ചെയ്ത കേസുകളിൽ 3463 പേർ സമ്പർക്കരോഗികളാണ്. 412 പേരുടെ ഉറവിടം വ്യക്തമല്ല. 19 മരണങ്ങളും റിപ്പോർട്ടു ചെയ്തു. 87 ആരോഗ്യപ്രവർത്തകർ കൂടി രോഗബാധിതരായി. ചികിത്സയിലായിരുന്ന 3007 പേർ രോഗമുക്തരായി. തലസ്ഥാനത്താണ് രോഗികൾ കൂടുതൽ. ജില്ലയിൽ 681 പുതിയ കേസുകളാണ് റിപ്പോർട്ട് ചെയ്തത്.