തിരുവനന്തപുരം: ബാർ കോഴ ആരോപണത്തിന്റെ പശ്ചാത്തലത്തിൽ ധനമന്ത്രി കെ.എം.മാണിയുടെ ബഡ്ജറ്റ് അവതരണം തടയാൻ നിയമസഭയിൽ അന്നത്തെ പ്രതിപക്ഷം അക്രമം കാട്ടിയ കേസ് പിൻവലിക്കാൻ വിസമ്മതിച്ച ചീഫ് ജുഡീഷ്യൽ മജിസ്ട്രേറ്റ് കോടതി, സർക്കാരിന്റെ ആവശ്യം നീതിന്യായ വ്യവസ്ഥയെ തടസ്സപ്പെടുത്തുന്നതും നീതിനിർവ്വഹണത്തിന്റെ മുഖത്ത് അടിയ്ക്കുന്നതിനു തുല്യവുമാണെന്ന് തുറന്നടിച്ചു.

സഭയിൽ കാട്ടിയ അക്രമത്തെ കടുത്ത ഭാഷയിലാണ് കോടതി വിമർശിച്ചത്. സഭയ്ക്കുള്ളിൽ ക്രിമിനൽ കുറ്റം ചെയ്യാൻ സാമാജികർക്ക് യാതൊരു അവകാശവും ഇല്ല.

നിയമം നിർമ്മിക്കാൻ ബാധ്യസ്ഥരായ നിയമസഭാ സാമാജികർതന്നെ നിയമലംഘനം നടത്തുന്നത് സമൂഹത്തിന് തെറ്റായ സന്ദേശം നൽകും. കുറ്റം ചെയ്തവർ ശിക്ഷിയ്ക്കപ്പെടണം.കുറ്റം ചെയ്തിരിയ്ക്കുന്നത് നിയമസഭാ സാമാജികരും അത് ചെയ്തത് നിയമ സഭയ്ക്കുള്ളിലുമാണെന്നത് ഗൗരവം വർദ്ധിപ്പിയ്ക്കുന്നു.

പൊതുജന താല്പര്യം മുൻനിറുത്തി കേസ് പിൻവലിക്കണമെന്നായിരുന്നു സർക്കാർ വാദം. ഈ വാദത്തെ അപലപനീയമെന്നാണ് കോടതി പറഞ്ഞത്. ചീഫ് ജുഡീഷ്യൽ മജിസ്ട്രേറ്റ് ആർ.ജയകൃഷ്ണനാണ് കേസ് പരിഗണിച്ചത്. കേസ് പിൻവലിക്കണമെന്ന ആവശ്യം പരിഗണിക്കുമ്പോൾ എതിർവാദവും കേൾക്കണമെന്ന് ഹൈക്കോടതിയുടെ നിർദേശമുണ്ടായിരുന്നു.

കേസ് വീണ്ടും പരിഗണിയ്ക്കന്ന ഒക്ടോബർ 15 എല്ലാ പ്രതികളും നേരിട്ട് ഹാജരാകണം

വ്യവസായ വകുപ്പ് മന്ത്രി ഇ.പി.ജയരാജൻ,ഉന്നത വിദ്യാഭ്യാസ വകുപ്പ് മന്ത്രി കെ.ടി.ജലീൽ,എം.എൽ.എമാരായ കെ.അജിത് ,സി.കെ.സദാശിവൻ,കുഞ്ഞഹമ്മദ്, മുൻ എം.എൽ.എ വി.ശിവൻകുട്ടി എന്നീ ആറുപേരാണ് പ്രതികൾ. രണ്ട് ലക്ഷത്തിലേറെ രൂപയുടെ പൊതുമുതൽ നശിപ്പിച്ചു എന്നാണ് ക്രെെംബ്രാഞ്ച് സമർപ്പിച്ച കുറ്റപത്രത്തിൽ പറയുന്നത്.

അന്നത്തെ നിയമസഭാ സെക്രട്ടറിയാണ് പൊലീസിൽ പരാതിപ്പെട്ടത്. പ്രതികളെ ചോദ്യം ചെയ്യാനോ,തെളിവുകൾ ശേഖരിയ്ക്കാനോ പൊലീസിന് സ്പീക്കറുടെ അനുമതി ലഭ്യമായിരുന്നില്ല.

 അക്രമം ഇങ്ങനെ

2015 മാർച്ച് 13ന് ബഡ്ജറ്റ് അവതരിപ്പിയ്ക്കാനെത്തിയ ധനമന്ത്രി കെ.എം.മാണിയെ തടയാനുള്ള പ്രതിപക്ഷ ശ്രമം വിജയിച്ചില്ല. ആ ദേഷ്യത്തിലാണ് ഇടതുപക്ഷ എം.എൽ.എ മാർ ഡയസിൽ അതിക്രമിച്ച് കടന്ന് സ്പീക്കറുടെ കസേരയും മെെക്കും കമ്പ്യൂട്ടറും പാനലുകളും അടക്കം അടിച്ച് തകർത്തത്.

 കോടതി പറഞ്ഞത്

# നിയമസഭയിൽ വോട്ട് ചെയ്യാനും സംസാരിയ്ക്കാനും അപ്പുറമുള്ള യാതൊരു പരിരക്ഷയും ഇന്ത്യൻ ഭരണഘടന സാമാജിക‌‌‌ർക്ക് അനുവദിയ്ക്കുന്നില്ല

# രണ്ട് ലക്ഷത്തിൽപ്പരം രൂപയുടെ നാശ നഷ്ടം ശരിയ്ക്കും സർക്കാരിനുണ്ടായ നഷ്ടമല്ല, മറിച്ച് കേരളത്തിലെ നികുതിദായകർക്ക് മൊത്തത്തിൽ ഉണ്ടായ നഷ്ടമാണ് .

# പൊതുജനത്തിന്റെ സ്വത്തും പൊതുമുതലും സംരക്ഷിക്കേണ്ട ബാധ്യത സർക്കാരിനുണ്ട്.

# പൊതുമുതൽ നശിപ്പിയ്ക്കുന്നവരെ സംരക്ഷിയ്ക്കുകയല്ല വേണ്ടത്.

നി​യ​മ​സ​ഭ​യി​ലെ​ ​കൈ​യാ​ങ്ക​ളി:
കോ​ട​തി​ ​തീ​രു​മാ​നം​ ​അം​ഗീ​ക​രി​ക്കും

തി​രു​വ​ന​ന്ത​പു​രം​:​ ​നി​യ​മ​സ​ഭ​യി​ൽ​ ​ക​ഴി​ഞ്ഞ​ ​സ​ർ​ക്കാ​രി​ന്റെ​ ​കാ​ല​ത്ത് ​കെ.​എം.​ ​മാ​ണി​യു​ടെ​ ​ബ​ഡ്ജ​റ്റ​വ​ത​ര​ണ​വേ​ള​യി​ലു​ണ്ടാ​യ​ ​കൈ​യാ​ങ്ക​ളി​യു​മാ​യി​ ​ബ​ന്ധ​പ്പെ​ട്ട് ​ഇ​പ്പോ​ഴു​ണ്ടാ​യ​ ​കോ​ട​തി​യു​ടെ​ ​തീ​രു​മാ​നം​ ​അം​ഗീ​ക​രി​ച്ച് ​പോ​വു​ക​യെ​ന്ന​താ​ണ് ​സ​ർ​ക്കാ​ർ​ ​നി​ല​പാ​ടെ​ന്ന് ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ​ ​പ​റ​ഞ്ഞു.​ ​കോ​ട​തി​ക​ൾ​ ​അ​വ​രു​ടേ​താ​യ​ ​സ്വ​ത​ന്ത്ര​നി​ല​പാ​ട് ​വ​ച്ചി​ട്ടാ​കു​മ​ല്ലോ​ ​കാ​ര്യ​ങ്ങ​ൾ​ ​വി​ല​യി​രു​ത്തു​ക.​ ​അ​തി​ന് ​ശേ​ഷം​ ​ചി​ല​പ്പോ​ൾ​ ​സ​ർ​ക്കാ​ർ​വാ​ദം​ ​അം​ഗീ​ക​രി​ച്ചെ​ന്ന് ​വ​രും.​ ​അം​ഗീ​ക​രി​ച്ചി​ല്ലെ​ന്നും​ ​വ​രും.​ ​കോ​ട​തി​ ​തീ​രു​മാ​നം​ ​വ​ന്നു​ക​ഴി​ഞ്ഞാ​ൽ​ ​അ​ത് ​അം​ഗീ​ക​രി​ച്ചു​പോ​വു​ക​യെ​ന്നേ​ ​സ​ർ​ക്കാ​ർ​ ​നി​ല​പാ​ടു​ള്ളൂ.​ ​പൊ​തു​മു​ത​ൽ​ ​ന​ശി​പ്പി​ച്ച​ ​കേ​സ് ​അ​വ​സാ​നി​പ്പി​ക്കാ​ൻ​ ​സ​ർ​ക്കാ​ർ​ ​ഇ​ട​പെ​ട്ട​തി​ൽ​ ​ഒ​രു​ ​തെ​റ്റാ​യ​ ​സ​ന്ദേ​ശ​വു​മു​ണ്ടാ​യി​ട്ടി​ല്ല.​ ​നി​യ​മ​സ​ഭ​യി​ൽ​ ​പ​ല​ ​കാ​ര്യ​ങ്ങ​ളി​ലും​ ​അം​ഗ​ങ്ങ​ൾ​ ​ത​മ്മി​ൽ​ ​ച​ർ​ച്ച​ ​ചെ​യ്യു​മ്പോ​ൾ​ ​വീ​റോ​ടെ​യും​ ​വാ​ശി​യോ​ടെ​യു​മു​ള്ള​ ​ഇ​ട​പെ​ട​ലു​ക​ളു​ണ്ടാ​വാ​റു​ണ്ട്.​ ​അ​ത് ​സാ​ധാ​ര​ണ​ ​നാ​ട്ടി​ൽ​ ​ന​ട​ക്കു​ന്ന​ത് ​പോ​ലെ​ ​പ​ക​യോ​ടെ​ ​മു​ന്നോ​ട്ട് ​പോ​കു​ന്ന​ ​നി​ല​യ​ല്ല.​ ​അ​തി​ന്റെ​ ​ഭാ​ഗ​മാ​യി​ ​സ്വാ​ഭാ​വി​ക​മാ​യും​ ​അ​ന്ത​രീ​ക്ഷം​ ​ശാ​ന്ത​മാ​കു​മ്പോ​ൾ​ ​അ​വി​ടെ​ ​ത​ന്നെ​ ​ച​ർ​ച്ച​ ​ചെ​യ്ത് ​പ​രി​ഹ​രി​ക്കാ​റാ​ണ് ​പ​തി​വ്.