തിരുവനന്തപുരം: തിരുവിതാംകൂർ ദേവസ്വം ബോർഡിന്റെ കീഴിലുള്ള വെൽഫെയർ സഹകരണ സംഘത്തിന്റെ നേതൃത്വത്തിൽ ആരംഭിച്ച മാസ ഡെപ്പോസിറ്റ് സ്‌കീമിന്റെ പ്രവർത്തനോദ്ഘാടനം തിരുവിതാംകൂർ ദേവസ്വം ബോർഡ് പ്രസിഡന്റ് എൻ. വാസു നിർവഹിച്ചു. പെൻഷണേഴ്‌സ് കോൺഫെഡറേഷൻ ജനറൽ സെക്രട്ടറി ആനയറ ചന്ദ്രൻ ദേവസ്വം റിലീഫ് ഫണ്ടിലേക്ക് 50000 രൂപയുടെ ചെക്ക് കൈമാറി. സഹകരണ സംഘം പ്രസിഡന്റ് ആർ. ഷാജി ശർമ അദ്ധ്യക്ഷനായിരുന്നു. ബോർഡ് മെമ്പർമാരായ വിജയകുമാർ, എൻ. രവി, ദേവസ്വം കമ്മിഷണർ ബി.എസ്. തിരുമേനി, ചീഫ് എൻജിനിയർ കേശവദാസ്, അസി.രജിസ്റ്റാർ ഷെറീഫ്, ജി. സുന്ദരേശൻ എന്നിവർ സംസാരിച്ചു. സെക്രട്ടറി മുരളിധരൻ നായർ സ്വാഗതവും വൈസ് പ്രസിഡന്റ് സുരേഷ് കുമാർ നന്ദിയും പറഞ്ഞു.