കൊച്ചി: കൊവിഡിൽ പ്രതിസന്ധി നരിടുന്ന പാദരക്ഷാ വ്യാപാരികളെ പ്രതികൂലമായി ബാധിക്കുന്ന ലാട്ട് കച്ചവടവും വഴിയോരവാണിഭവും നിയന്ത്രിക്കാൻ സർക്കാർ ഇടപെടണമെന്ന് കേരള റീട്ടെയിൽ ഫുട്‌വെയർ അസോസിയേഷൻ (കെ.ആർ.എഫ്.എ) എറണാകുളം ജില്ലാ കൺവെൻഷൻ ആവശ്യപ്പെട്ടു. മൊറട്ടോറിയം കാലത്തെ പലിശ ഇളവ് നൽകുക, ഉത്തേജക പാക്കേജ് പ്രഖ്യാപിക്കുക, കടവാടക ഇനത്തിൽ ഇളവുകൾ നൽകുക എന്നീ ആവശ്യങ്ങളും സംഘടന മുന്നോട്ടുവച്ചു. സംസ്ഥാന ജനറൽ കൺവീനർ നൗഷൽ തലശേരി യോഗം ഉദ്ഘാടനം ചെയ്തു. ഹുസൈൻ കുന്നുകര അദ്ധ്യക്ഷത വഹിച്ചു. മുതിർന്ന വ്യാപാരി ബെന്നി പുല്ലേപ്പടിയെ ആദരിച്ചു. നവാബ് കളമശേരി സ്വാഗതവും ഷഹീർ തൃക്കാക്കര നന്ദിയും പറഞ്ഞു.