കോവളം: വിഴിഞ്ഞം തീരത്ത് അപ്രതീക്ഷിതമായി ഇന്നലെ നെയ്‌മീനിൻെയും വേളാവിന്റെയും ചാകര. ആദ്യമായാണ് തട്ടുമടിയിൽ ഇത്രയധികം മീൻകിട്ടുന്നതെന്ന് തൊഴിലാളികൾ പറഞ്ഞു. 500 - 600 രൂപയക്ക് വിറ്റുപോകുന്ന നെയ്‌മീനുകൾ കിലോയ്ക്ക് 170ന് കിട്ടിയതോടെ തിരക്കും വർദ്ധിച്ചു. കച്ചവടക്കാർക്കും നല്ല ലാഭത്തിലാണ് മീനുകൾ കിട്ടിയത്. ഇവയ്ക്ക് പുറമേ ആവോലി, ക്ലാത്തി,​ ചൂര എന്നിവയും ഇന്നലെ കൂടുതലായി കിട്ടി. ട്രോളിംഗ് കഴിഞ്ഞശേഷം ആദ്യമായാണ് നെയ്‌മീൻ ചാകര കിട്ടുന്നതെന്ന് തൊഴിലാളികൾ പറഞ്ഞു.