തിരുവനന്തപുരം : ജില്ലയിൽ ആശങ്ക വർദ്ധിപ്പിച്ച് ഇന്നലെയും ആയിരത്തിനടുത്ത് രോഗികൾ. ഇന്നലെ 986 പേർക്കാണ് കൊവിഡ് സ്ഥിരീകരിച്ചത്. 379 പേർ ഇന്നലെ രോഗമുക്തി നേടി. ഇതിൽ 835 പേർക്കും സമ്പർക്കത്തിലൂടെയാണ് രോഗം ബാധിച്ചത്.111 പേരുടെ ഉറവിടം വ്യക്തമല്ല. 30 പേർ വീട്ടുനിരീക്ഷണത്തിലായിരുന്നു. നാലുപേർ അന്യസംസ്ഥാനങ്ങളിൽ നിന്നുമെത്തിയതാണ്. ഇന്നലെ 32 ആരോഗ്യ പ്രവർത്തകർക്കും രോഗം സ്ഥരിരീകരിച്ചു. ആറു പേരുടെ മരണം കൊവിഡ് മൂലമാണെന്നും സ്ഥിരീകരിച്ചു.

തമ്പാനൂർ സ്വദേശിനി വസന്ത(68),പള്ളിച്ചൽ സ്വദേശി മുരളി(55),ശ്രീകണ്‌ഠേശ്വരം സ്വദേശി നടരാജ സുന്ദരം(91), നെടുമങ്ങാട് സ്വദേശി ശശിധരൻ നായർ(77), വള്ളക്കടവ് സ്വദേശി അബു താഹിർ(68), പേയാട് സ്വദേശി പദ്മകുമാർ(49) എന്നിവരാണ് മരിച്ചവർ. ഇന്നലെ രോഗം സ്ഥിരീകരിച്ചവരിൽ 435 പേർ സ്ത്രീകളും 551 പേർ പുരുഷന്മാരുമാണ്. ഇവരിൽ 15 വയസിനു താഴെയുള്ള 92 പേരും 60 വയസിനു മുകളിലുള്ള 144 പേരുമുണ്ട്.

പുതുതായി രോഗനിരീക്ഷണത്തിലായവർ-2,714

ആകെ നിരീക്ഷണത്തിലുള്ളവർ-28,588

നിരീക്ഷണ കാലയളവ് പൂർത്തിയാക്കിയവർ-3,226

നിലവിൽ ചികിത്സയിലുള്ളവർ- 11,005