ആലപ്പുഴ: തൃക്കുന്നപ്പുഴ പഞ്ചായത്തിലെ ചീരച്ചേരി പാലം മുതൽ വലിയപറമ്പ് വരെയുള്ള റോഡിന് ഡോ. എസ്.വിദ്യപ്രകാശിന്റെ പേര് നൽകാനുള്ള പഞ്ചായത്ത് കമ്മിറ്റി തീരുമാനത്തെ എസ്.എൻ.ഡി.പി യോഗം വലിയപറമ്പ് 261-ാം നമ്പർ ശാഖയും 4540-ാംനമ്പർ ശ്രീമദ് സ്വാമി ശ്വാശ്വതികാനന്ദ സ്മാരക ശാഖയും സ്വാഗതം ചെയ്തു.

റോഡ് യാഥാർത്ഥ്യമാക്കാൻ സ്ഥലം വിട്ടുനൽകിയത് ഡോ.വിദ്യപ്രകാശും കുടുംബാംഗങ്ങളുമാണ്. റോഡിന്റെ നാമകരണചടങ്ങ് ഇന്ന് വൈകിട്ട് 5ന് വലിയപറമ്പ് 261-ാം നമ്പർ ശാഖയോഗം ബാലാജി മെമ്മോറിയൽ ആഡിറ്റോറിയത്തിൽ കാർത്തികപ്പള്ളി യൂണിയൻ പ്രസിഡന്റ് കെ.അശോകപ്പണിക്കർ ഉദ്ഘാടനം ചെയ്യും. ഗ്രാമപഞ്ചായത്ത് പ്രസിഡന്റ് അമ്മിണിടീച്ചർ അദ്ധ്യക്ഷത വഹിക്കും. ചേപ്പാട് യൂണിയൻ പ്രസിഡന്റ് എസ്.സലികുമാർ, കാർത്തികപ്പള്ളി യൂണിയൻ സെക്രട്ടറി അഡ്വ. ആർ.രാജേഷ് ചന്ദ്രൻ, യോഗം ഡയറക്ടർ ബോർഡ് അംഗം പ്രൊഫ. സി.എം.ലോഹിതൻ, കേരളകൗമുദി ആലപ്പുഴ ബ്യൂറോ ചീഫ് ശ്രീകുമാർ പള്ളിലേത്ത്, പഞ്ചായത്ത് സെക്രട്ടറി ആർ.സിന്ധു, അക്കരകാട്ടുൽ കുടുംബയോഗ പ്രതിനിധികളായ ബി.വേണുഗോപാൽ, കെ.രത്നാകരൻ, 261-ാം നമ്പർ ശാഖയോഗം പ്രസിഡന്റ് ജി.സേനപ്പൻ, സെക്രട്ടറി സി.സോമൻ, 4540-ാം നമ്പർ ശാഖായോഗം പ്രസിഡന്റ് കെ.രതികുമാർ, സെക്രട്ടറി ആർ.ഷീബ, വലിയപറമ്പ് ക്ഷേത്രം ദേവസ്വം സെക്രട്ടറി കെ.കുട്ടപ്പൻ എന്നിവർ സംസാരിക്കും. യോഗം ഇൻസ്പെക്ടിംഗ് ഓഫീസർ സി.സുഭാഷ് സ്വാഗതവും അക്കരക്കാട്ടിൽ ഡോ. രാജ്പ്രകാശ് നന്ദിയും പറയും.