ചേർത്തല: കോവിഡ് ബാധിച്ച് ചികിത്സയിലായിരുന്നയാൾ മരിച്ചു. കടക്കരപ്പള്ളി തുരുത്താൻശേരി പ്രകാശൻ (69) ആണ് മരിച്ചത്. കഴിഞ്ഞ ദിവസമാണ് ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. അർബുദ, ശ്വാസകോശ സംബന്ധമായ അസുഖങ്ങളെ തുടർന്ന് ചികിത്സയിലായിരുന്നു. കൊവിഡ് മാനദണ്ഡങ്ങൾ പാലിച്ച് സംസ്‌കാരം നടത്തി. ഭാര്യ: ദേവമണി. മക്കൾ: അനന്തപത്മനാഭൻ,പ്രസി. മരുമക്കൾ: ഷാൽബി, രാജേഷ്.

 മണ്ണഞ്ചേരിയിൽ വീണ്ടും കോവിഡ് മരണം.
മാരാരിക്കുളം: മണ്ണഞ്ചേരി പഞ്ചായത്ത് ഒന്നാം വാർഡ് വെളിയിൽ വിജയപ്പൻ (76) കൊവിഡ് ബാധിച്ചു മരിച്ചു.ആലപ്പുഴ മെഡിക്കൽ കോളേജിൽ ചികിത്സയിലായിരുന്നു, ചാത്തനാട് പൊതുശ്മശാനത്തിലാണ് സംസ്‌കാരം നടക്കുക. ഭാര്യ: രാജമ്മ .മക്കൾ: ദീപു,അമ്പിളി .മരുമക്കൾ:മഞ്ജു,രാജേന്ദ്രൻ.

 കുഴഞ്ഞ് വീണ് മരിച്ച ബാങ്ക് ഉദ്യോഗസ്ഥന് കൊവിഡ്

ചേർത്തല: വീട്ടിൽ കുഴഞ്ഞ് വീണ് മരിച്ച ബാങ്ക് ഉദ്യോഗസ്ഥന് കൊവിഡ് സ്ഥിരീകരിച്ചു. നഗരസഭ നാലാം വാർഡിൽ കിണ​റ്റുകര പരേതനായ കെ.വി.ജോസഫിന്റെ മകൻ സന്തോഷ് ജോസഫ് (52) ആണ് വെള്ളിയാഴ്ച രാവിലെ കുഴഞ്ഞ് വീണത്. നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം ഗവ. താലൂക്ക് ആശുപത്രിയിൽ എത്തിച്ച ശേഷം നടത്തിയ പരിശോധനയിലാണ് രോഗബാധ കണ്ടെത്തിയത്. പോസ്​റ്റ്‌മോർട്ടത്തിനായി മൃതദേഹം ആലപ്പുഴ മെഡിക്കൽ കോളജ് ആശുപത്രിമോർച്ചറിയിലേക്ക് മാ​റ്റി. ഇന്ത്യൻ ബാങ്ക് ചേർത്തല ശാഖയിലെ ജീവനക്കാരനായിരുന്നു. ഭാര്യ: റി​റ്റിമോൾ.മക്കൾ:ആഷിക് സന്തോഷ്, സാന്ദ്ര സന്തോഷ്.