ആലപ്പുഴ: കൊവി​ഡ് കാലത്തെ പുതി​യ താരമാണ് അണുനശീകരണം. മാസ്കും സാനി​ട്ടൈസറും ഉണ്ടെങ്കി​ലും മൊത്തത്തി​ലുള്ള അണുനശീകരണം ഇന്ന് കൂടുതൽ ആവശ്യമായി​ വരി​കയാണ്. ആളുകളുടെ സുരക്ഷാ ബോധം കൂടി​യപ്പോൾ എന്തായാലും പുതി​യ ഒരു തൊഴി​ൽ മേഖലയാണ് തുറന്നി​രി​ക്കുന്നത്.

മുൻപ് ഓഫീസുകളി​ലും ബസുകളി​ലുമാണ് അണുനശീകരണം നടത്തി​യി​രുന്നതെങ്കി​ൽ ഇന്നതല്ല സ്ഥി​തി​. വി​വാഹം, മരണം, പാലുകാച്ചി​​ൽ തുടങ്ങി​ ആളുകൾ കൂടുന്ന ഇടങ്ങളി​ൽ ഇന്ന് ചടങ്ങുകൾക്ക് മുൻപും ശേഷവും അണുനശീകരണം നടത്തുകയാണ് പലരും. കൊവി​ഡ് ഭീതി​ കൊണ്ട് മാസത്തി​ലൊരി​ക്കൽ വീടുകളി​ൽ അണുനശീകരണം നടത്തുന്നവരുമുണ്ടത്രെ.

തൊഴി​ലും വരുമാനവും കുറഞ്ഞതോടെ പുതിയ തൊഴിൽ സംരംഭവുമായി​ മുന്നോട്ടുവരുന്നത് കൂടുതലും തൊഴിൽ രഹിതരായ യുവാക്കളാണ്. ജി​ല്ലയി​ൽ അണുവി​മുക്ത ഏജൻസി​കൾ സജീവമായതോടെ മത്സരാടി​സ്ഥാനത്തി​ൽ തന്നെയാണ് പലരും ജോലി​ കോൺ​ട്രാക്ട് എടുക്കുന്നത്.

സ്ക്വയർഫീറ്റ് അനുസരിച്ചാണ് തുക നിശ്ചയിച്ചിരിക്കുന്നത്. നിലവിൽ പല ഏജൻസികളും സ്ക്വയർ ഫീറ്റിന് ഒരു രൂപ മുതതലാണ് ഇൗടാക്കുന്നത്. പലരും തുകയിൽ ഇളവ് വരുത്തി ആകർഷകമായ ഒാഫറുകൾ നൽകുന്നുണ്ട്. സ്ക്വയർ ഫീറ്റി​ന് 50,75 പൈസയ്ക്ക് ചെയ്ത് നൽകുന്നവരുമുണ്ട്.

ബി​സി​നസ് മാത്രമായാൽ കുഴപ്പം

അധികലാഭം കണക്കാക്കി ഇൗ മേഖലയിലേക്ക് ചുവടുറപ്പിക്കല്ലേയെന്ന അധി​കൃതരുടെ മുന്നറിയിപ്പുമുണ്ട്. അണുനശീകരണം കുറ്റമറ്റ രീതി​യി​ൽ ചെയ്തു നൽകുകയാകണം ലക്ഷ്യം. അതി​ന് മത്സരി​ച്ച് തുക കുറച്ച് കോൺ​ട്രാക്ട് ഏറ്റെടുക്കുന്നത് ജോലി​യുടെ ഗുണനി​ലവാരത്തെ ബാധി​ക്കുകയായി​രി​ക്കും ചെയ്യുന്നത്.

വൈദ്യുതിയിൽ പ്രവർത്തിക്കുന്ന പമ്പിൽ എകോ സാൻ ബി.കെ കോൺസെന്ററേറ്റ് അണുവിമുക്ത ലായനിയാണ് ഉപയോഗിക്കുന്നത്. ഇൗ ലായനി കൊറോണ വൈറസിനെ മാത്രമല്ല ബാക്ടീരികളെയും നശിപ്പിക്കും. ഒാരോ ഏജൻസിയി​ലും രണ്ട് തൊഴിലാളികൾ വീതമാണ് അണുനശീകരണം നടത്തുന്നത്.

..........

ചെലവ്

യന്ത്രം.........₹ 4500

ലായനി.......₹ 300(1 ലിറ്റർ)

പി.പി കിറ്റ്.....₹600

കൂലി.............₹800

........

# ഒരാഴ്ച നീണ്ടുനിൽക്കും

ഇകോ ഫ്രണ്ട്ലിയായ ലായനി ആയതിനാൽ ഭക്ഷണപദാർത്ഥത്തിൽ വീണാലും കുഴപ്പമില്ല. ഒരു തവണ നടത്തി​യാൽ അതിന്റെ ഗുണം ഒരാഴ്ചവരെ നീണ്ടുനിൽക്കും. വീടുകൾ അണുനശീകരണം നടത്തികഴിഞ്ഞ് തുടച്ചാൽ രണ്ട് ദിവസത്തേക്ക് മാത്രമേ ഗുണം ചെയ്യുകയുള്ളൂ. 10 ലിറ്റർ ലായിനിയാണ് 1500 സ്ക്വയർ ഫീറ്റ് വീടുകളിൽ തളിക്കുന്നത്. വീടുകളിൽ ഭിത്തി,വാതിൽ,ജനാല,കർട്ടൻ എന്നിവിടങ്ങളിലാണ് ഇത് ഉപയോഗിക്കുന്നത്.

.....

# ലായിനി കലക്കൽ

16 ലിറ്റർ സംഭരണശേഷിയുള്ള ടാങ്കിൽ 200 എം.എൽ മിശ്രിതം ആണ് കലക്കുന്നത്. കൊവിഡ് പൊസിറ്റീവ് സ്ഥിരീകരണം നടന്ന സ്ഥലങ്ങളിൽ കൂടുതൽ മിശ്രിതം ഉപയോഗിക്കും. അവിടെ പി.പി കിറ്റ് ധരിച്ചാണ് തൊഴിലാളികൾ അണുവിമുക്തമാക്കൽ നടത്തുന്നത്.

.......

# ഒാൺലൈൻ

ഫോൺ വഴിയാണ് ഏജൻസികൾ നിലവിൽ ബുക്കിംഗ് നടത്തുന്നത്. ഒാൺലൈൻ ബുക്കിംഗിനുള്ള തയ്യാറെടുപ്പിലാണ് ഏജൻസികൾ . ഇ-ബുക്കിംഗിലൂടെ കൂടുതൽ ഉപഭോക്താക്കളെ ലഭ്യമാകും. ഇത് തൊഴിൽ സാദ്ധ്യതയും കൂട്ടുമെന്ന് ഇവർ പറയുന്നു.

........

'' സ്ക്വയർ ഫീറ്ററിന് ഒരു രൂപയാണ് ഇൗടാക്കുന്നത്. ഗാന്ധിജയന്തി ദിനത്തിൽ സൗജന്യമായി അണുനശീകരണം ചെയ്തിരുന്നു. കൊവിഡ് കാലത്ത് തൊഴിൽ നഷ്ടപ്പെട്ട തൊഴിലാളികൾക്ക് ഇത് വരുമാന മാർഗമാണ്. ആദ്യമായതിനാൽ ലാഭം നോക്കുന്നില്ല. എന്നാൽ വരുമാനമാർഗം കൂടെയാണ്. ഒരു ദിവസം അഞ്ച് സ്ഥലങ്ങളിൽ ശുചീകരണം നടത്തുന്നുണ്ട്.

പി.ജെ.കുര്യൻ,ഗോൾഡൻ ചാരിറ്റബിൾ ട്രസ്റ്റ് സാനിറ്റെസിംഗ് ചെയർമാൻ