ചാരുംമൂട്: എസ്.എൻ.ഡി.പി യോഗം താമരക്കുളം പച്ചക്കാട് 2936-ാം നമ്പർ ശാഖാ ഗുരുമന്ദിരത്തിലെ കാണിക്കവഞ്ചി മോഷ്ടിച്ചയാളെ നൂറനാട് പൊലീസ് പിടികൂടി. പള്ളിക്കൽ ചെറുകുന്നം തിരങ്കാലായിൽ സുനിലിനെയാണ് (27) സി.ഐ വി.ആർ. ജഗദീഷിന്റെ നേതൃത്വത്തിലുള്ള പൊലീസ് സംഘം ഇന്നലെ അറസ്റ്റ് ചെയ്തത്. തിങ്കളാഴ്ച രാവിലെയായിരുന്നു മോഷണം.

ബൈക്കിലെത്തിയ ആൾ ചാക്കുമായി വന്ന് കാണിക്ക വഞ്ചി എടുത്തു കൊണ്ടുപോകുന്ന ദൃശ്യങ്ങൾ മന്ദിരത്തിലെ സി.സി ടി.വിയിൽ പതിഞ്ഞിരുന്നു. തുടർന്ന് പോലീസ് നടത്തിയ അന്വേഷണത്തിലാണ് മോഷ്ടാവ് പിടിയിലായത്.