വൈറ്റമി​ൻ സപ്ളി​മെന്റ് മുടങ്ങി​യി​ട്ട് ഏഴ് മാസം

ആലപ്പുഴ: നി​ശാന്ധത തുടങ്ങി​യ നേത്രരോഗങ്ങൾ പ്രതി​രോധി​ക്കുന്നതി​നായി​ കുരുന്നുകൾക്ക് നൽകുന്ന വൈറ്റമി​ൻ എ സപ്ളി​മെന്റി​ന് ജി​ല്ലയി​ൽ ക്ഷാമം. രോഗപ്രതി​രോധ ശേഷി​ വർദ്ധി​പ്പി​ക്കുന്നതി​നും നൽകി​യി​രുന്ന ഈ വൈറ്റമി​ൻ സപ്ളി​മെന്റ് മുടങ്ങി​യി​ട്ട് മാസം ഏഴാകുന്നു. വൈറ്റമി​ൻ എ സപ്ളി​മെന്റി​ന് പകരം സമീകൃത ആഹാരം നൽകി​യാൽ മതി​യെന്ന് ആരോഗ്യ വി​ദഗ്ദ്ധർ പറയുന്നുണ്ടെങ്കി​ലും മാതാപി​താക്കൾ ആശങ്കയി​ലാണ്.

മെഡിക്കൽ കോളേജിലും വനിതാ ശിശുക്ഷേമ ആശുപത്രിയിലും ജനറൽ ആശുപത്രിയിലും പ്രതിരോധമരുന്ന് നൽകുന്ന ദിവസങ്ങളിൽ വൈറ്റമിൻ എ അന്വേഷിച്ച് നിരവധി ആളുകളാണ് എത്തുന്നത്. കേരള മെഡിക്കൽ സർവീസസ് കോർപറേഷൻ സംഭരിച്ച് ദേശീയ ആരോഗ്യ മിഷന്റെ നേതൃത്വത്തിൽ സർക്കാർ ആശുപത്രികൾ വഴിയാണു വൈറ്റമിൻ വിതരണം ചെയ്തിരുന്നത്. 9 മാസം തൊട്ടാണ് കുട്ടികൾക്ക് വൈറ്റമിൻ എ ആദ്യമായി നൽകുന്നത്. തുടർന്ന് 6 മാസത്തിലൊരിക്കൽ 5 വയസുവരെയാണ് നൽകുന്നത്. ആകെ 9 ഡോസുകൾ ലഭിക്കുന്ന തരത്തിലാണ് ഷെഡ്യൂൾ. വൈറ്റമിൻ എ നൽകുന്നത് കുട്ടികളുടെ മരണനിരക്ക് 24 ശതമാനം വരെ കുറയ്ക്കാൻ സഹായിക്കുമെന്നു ലോകാരോഗ്യ സംഘടന വ്യക്തമാക്കിയിരുന്നു.

.......

# സമീകൃത ആഹാരം

കുട്ടികളിൽ വൈറ്റമിൻ എയ്ക്ക് പകരം സമീകൃത ആഹാരം ഭക്ഷണത്തിൽ ഉൾപ്പെടുത്തണം. റാഗി, കടല,പയർ ,ഇലക്കറികൾ ,പച്ചക്കറികൾ,പഴവർഗങ്ങൾ എന്നി​വ കുട്ടികൾക്ക് നൽകണം. മുലയൂട്ടുന്ന അമ്മമാർ പോഷകസമൃദ്ധമായ ആഹാരം കഴിക്കുന്നതും കുട്ടികൾക്ക് ഗുണം ചെയ്യും.

.......

'' വൈറ്റമിൻ വിതരണം മുടങ്ങിയിട്ട് ഏഴുമാസത്തോളമായി.ഒാരോ വാർഡിലും 5 വയസിന് താഴെയുള്ള കുട്ടികളുടെ മാതാപിതാക്കൾക്ക് മരുന്നില്ലെന്ന നിർദ്ദേശം നൽകിയിട്ടുണ്ട്. ആശുപത്രി സന്ദർശനം ഒഴിവാക്കാനാണി​ത്. മരുന്ന് വരുമ്പോൾ ആശപ്രവർത്തകർക്ക് അറിയിപ്പ് നൽകും.

സുമ, ആശപ്രവർത്തക

......

വൈറ്റമിൻ എ സപ്ലിമെന്റ് ലഭ്യമാകാത്ത സാഹചര്യത്തിൽ പകരം വൈറ്റമിൻ എ ഉൾപ്പെടുന്ന സമീകൃതആഹാരം കുട്ടികൾക്ക് നൽകിയാൽ മതി. വൈറ്റമിൻ എ അടങ്ങിയ ടോണിക്കുകളും പകരമായി നൽകാം.

ഡോ.സത്യൻജി, റിട്ട.പീഡിയാട്രിിക് സർജൻ,

എം.സി.എച്ച് ആലപ്പുഴ