1022 സ്കൂളുകൾ
ഹൈടെക്കായി
ജില്ലയിൽ വിന്യസിച്ചത് 20, 918 ഐ.ടി ഉപകരണങ്ങൾ
1022 സ്കൂളുകളിൽ ഹൈടെക് വിന്യാസം പൂർത്തിയാക്കി
779 സ്കൂളുകളിൽ ഹൈസ്പീഡ് ബ്രോഡ്ബാൻഡ് ഇന്റർനെറ്റ് സൗകര്യം
ആലപ്പുഴ: ജില്ലയിലെ 1022 സർക്കാർ സ്കൂളുകൾ ഹൈടെക്കാകുന്നു. കൈറ്റ് (കേരള ഇൻഫ്രാസ്ട്രക്ചർ ആൻഡ് ടെക്‌നോളജി ഫോർ എഡ്യുക്കേഷൻ) നടപ്പാക്കുന്ന ഹൈടെക് സ്‌കൂൾ, ഹൈടെക് ലാബ് പദ്ധതികളുടെ ഭാഗമായാണിത്. പദ്ധതി പൂർത്തീകരണത്തിന്റെയും ഇതിലൂടെ പൊതുവിദ്യാഭ്യാസ രംഗത്ത് സംസ്ഥാനം രാജ്യത്തെ ആദ്യ സമ്പൂർണ ഡിജിറ്റൽ സംസ്ഥാനമായി മാറന്നതിന്റെയും പ്രഖ്യാപനം നാളെ രാവിലെ 11 ന് മുഖ്യമന്ത്രി പിണറായി വിജയൻ വീഡിയോ കോൺഫറൻസിലൂടെ നിർവഹിക്കും.
ജില്ലയിൽ സർക്കാർ-എയ്ഡഡ് വിഭാഗത്തിലെ ഒന്നു മുതൽ 7 വരെ ക്ലാസുകളുള്ള 697ഉം എട്ടു മുതൽ 12 വരെ ക്ലാസുകളുള്ള 325ഉം ഉൾപ്പെടെ മൊത്തം 1022 സ്‌കൂളുകളാണ് ഹൈടെക്കാകുന്നത്. ഇതിന്റെ ഭാഗമായി 6803 ലാപ്‌ടോപ്പ്, 4106 മൾട്ടിമീഡിയ പ്രൊജക്ടർ, 5565 യു.എസ്.ബി. സ്പീക്കർ, 2639 മൗണ്ടിംഗ് അക്‌സസറീസ്, 536 സ്‌ക്രീൻ, 324 ഡി.എസ്.എൽ.ആർ കാമറ, 325 മൾട്ടിഫംഗ്ഷൻ പ്രിന്റർ, 310 എച്ച്.ഡി വെബ്ക്യാം, 310 43 ഇഞ്ച് ടെലിവിഷൻ എന്നിവ വിവിധ സ്കൂളുകളിൽ വിതരണം ചെയ്തു. 779 സ്കൂളുകളിൽ ഹൈസ്പീഡ് ബ്രോഡ്ബാൻഡ് ഇന്റർനെറ്റ് സൗകര്യം ഏർപ്പെടുത്തി. ജില്ലയിൽ 157 ലിറ്റിൽ കൈറ്റ്‌സ് ഐ ടി ക്ലബ് യൂണിറ്റുകളിലായി 8409അംഗങ്ങളുണ്ട്. 9872അദ്ധ്യാപകർ ജില്ലയിൽ പ്രത്യേക ഐടി പരിശീലനം നേടി കഴിഞ്ഞു. ജില്ലയിൽ ഹൈടെക് പദ്ധതിയിൽപ്പെടുത്തി കൈറ്റ് വഴി ഏറ്റവും കൂടുതൽ ഐ ടി ഉപകരണങ്ങൾ വിന്യസിച്ചത് ലിയോ തേർട്ടീന്ത് എച്ച്.എസ്.എസ് ആലപ്പുഴ (229) ആണ്. എസ്.എൻ.എച്ച്.എസ്.എസ് ശ്രീകണ്‌ഠേശ്വരവും (220) സെന്റ് ജോസഫ് ജി.എച്ച്.എസ്.എസ് ആലപ്പുഴയും (217) ആണ് തൊട്ടടുത്ത്.
സ്കൂളുകളിൽ വിന്യസിച്ചിട്ടുള്ള ഹൈടെക് ഉപകരണങ്ങൾ സ്‌കൂൾ, തദ്ദേശ ഭരണ സ്ഥാപനം, അസംബ്ലി, പാർലമെന്റ് മണ്ഡലം എന്നിങ്ങനെ തിരിച്ച് സമേതം പോർട്ടലിലെ (sametham.kite.kerala.gov.in) ഹൈടെക് സ്‌കൂൾസ് ലിങ്കിൽ ലഭ്യമാണ്. പ്രഖ്യാപന ചടങ്ങ് നാളെ രാവിലെ 11 മണിക്ക് കൈറ്റ് വിക്ടേഴ്‌സ് ചാനൽ വഴി തത്സമയം കാണാം.
....................
പദ്ധതിക്കായി ജില്ലയിൽ കിഫ്ബിയിൽ നിന്നും 33.32 കോടിയും പ്രാദേശിക തലത്തിൽ 14.67 കോടിയും ഉൾപ്പെടെ 47.99 കോടി രൂപ ചെലവായിട്ടുണ്ട്.
കെ. അൻവർ സാദത്ത്, കൈറ്റ് സി.ഇ.ഒ
....................
സ്കൂളുകളിൽ വിതരണം ചെയ്ത സാമഗ്രികൾ
ലാപ്‌ടോപ്പ്................6803
മൾട്ടിമീഡിയ പ്രൊജക്ടർ............4106
യു.എസ്.ബി. സ്പീക്കർ.............. 5565
മൗണ്ടിംഗ് ആക്‌സസറീസ്............. 2639
സ്‌ക്രീൻ..............536
ഡി.എസ്.എൽ.ആർ കാമറ.....................324
മൾട്ടിഫംഗ്ഷൻ പ്രിന്റർ................... 325
എച്ച്.ഡി വെബ്ക്യാം.................310
43 ഇഞ്ച് ടെലിവിഷൻ..................310