ചേർത്തല:സംസ്ഥാന ശുചിത്വ മിഷന്റെ ശുചിത്വപദവി അവാർഡ് തണ്ണീർമുക്കം ഗ്രാമപഞ്ചായത്ത് ഏ​റ്റുവാങ്ങി.ജില്ലാ ഹരിതകേരളമിഷൻ കോ-ഓർഡിനേ​റ്റർ കെ.എസ്.രാജേഷ് പഞ്ചായത്ത് ഭരണസമിതിക്ക് അവാർഡ് കൈമാറി പ്രഖ്യാപനം നടത്തി.ഗ്രാമപഞ്ചായത്ത് പ്രസിഡന്റ് അഡ്വ.പി.എസ്.ജ്യോതിസ് അദ്ധ്യക്ഷതവഹിച്ചു. ജില്ലാപഞ്ചായത്ത് സ്ഥിരംസമിതി അദ്ധ്യക്ഷ സിന്ധുവിനു,പഞ്ചായത്ത് സ്ഥിരംസമിതി അദ്ധ്യക്ഷയായ രമാമദനൻ,കെ.ജെ.സെബാസ്​റ്റ്യൻ,സനൽനാഥ്, സാനുസുധീന്ദ്രൻ,അസി.സെക്രട്ടറി സുനിൽകുമാർ നോൺമെഡിക്കൽ ഓഫീസർ ബേബിതോമസ് എന്നിവരും സംസാരിച്ചു. സ്ഥിരംസമിതി അദ്ധ്യക്ഷമാരായ ബിനിത മനോജ് സ്വാഗതവും സുധർമ്മ സന്തോഷ് നന്ദിയും പറഞ്ഞു.

തൊഴിലുറപ്പ് പദ്ധതിയുടെ ഭാഗമായി മുഴുവൻ വീടുകളിലും സോക്ക് പി​റ്റ് നിർമ്മാണത്തിന് ഭരണാനുമതി നൽകിയതിലൂടെയും സ്‌കൂളുകളിൽ ബയോഗ്യാസ് പ്ലാന്റുകൾ സ്ഥാപിച്ചും ഇനിഞാൻ ഒഴുകട്ടെ പദ്ധതിയിലൂടെ 16 കിലോമീ​റ്ററോളം തോടുകളുടെ പുനരുജ്ജീവന പ്രവർത്തനവും ഏറ്റെടുത്ത് വിജയകരമായി നടപ്പിലാക്കിരുന്നു.എയ്‌റോബിക്ക് കമ്പോസ്​റ്റുകൾ സ്ഥാപിക്കുക, പച്ചത്തുരുത്ത്,ചില്ല്മാലിന്യ ശേഖരണം ഉൾപ്പെടെ നടത്തിയ പ്രവർത്തന മികവിനാണ് അവാർഡ് ലഭ്യമായത്.