ചക്കുളത്തുകാവ്: ചക്കുളത്തുകാവ് ഭഗവതീ ക്ഷേത്രത്തിൽ നവരാത്രി സംഗീതോത്സവത്തിന് തിരിതെളിഞ്ഞു. ക്ഷേത്രത്തിൽ പ്രത്യേകം തയ്യാറാക്കിയ മണ്ഡപത്തിൽ ക്ഷേത്ര കാര്യദർശി മണിക്കുട്ടൻ നമ്പൂതിരി ഭദ്രദീപം തെളിച്ചു. മുഖ്യകാര്യദർശി രാധാകൃഷ്ണൻ നമ്പൂതിരി, രഞ്ജിത്ത് ബി. നമ്പൂതിരി, വിനോദ് നമ്പൂതിരി, പഞ്ചായത്ത് അംഗം അജിത്ത് കുമാർ പിഷാരത്ത് എന്നിവർ പങ്കെടുത്തു. കോവിഡ് പശ്ചാത്തലത്തിൽ ഇക്കുറി ഓൺലൈനിലൂടെയാണ് സംഗീതോത്സവം നടക്കുന്നത്. കോവിഡ് പ്രോട്ടോക്കോൾ പ്രകാരം നവരാത്രി ദിനത്തിൽ വിദ്യാപൂജയും, വിദ്യാരംഭവും നടക്കും. ദുർഗ്ഗാഷ്ടമി ദിനമായ 23-ന് ഗ്രന്ഥങ്ങൾ പൂജവെയ്ക്കും. വിദ്യാരംഭ ദിനത്തിൽ കുട്ടികളെ എഴുത്തിനിരുത്തും. ക്ഷേത്ര മുഖ്യ കാര്യദർശി രാധാകൃഷ്ണൻ നമ്പൂതിരി, കാര്യദർശി മണിക്കുട്ടൻ നമ്പൂതിരി എന്നിവരുടെ നേതൃത്വത്തിൽ വേദപണ്ഡിതന്മാർ ക്ഷേത്രത്തിൽ പ്രത്യേകം തയ്യാറാക്കിയ മണ്ഡപത്തിൽ കുരുന്നുകളുടെ നാവിൽ ഹരിശ്രീ കുറിക്കും. കൗണ്ടർ വഴി നേരിട്ടോ, ഓൺലൈൻവഴിയോ ഭക്തർക്ക് വഴിപാട് ബുക്ക് ചെയ്യാൻ അവസരമുണ്ട്. ഒൻപത് ദിവസം നീണ്ടുനില്‍ക്കുന്ന നവരാത്രിമഹോത്സവത്തിൽ സംഗീതാർച്ചനയ്ക്കുപുറമേ നൃത്തം, ഡാൻസ്, ഭരതനാട്യം, കുച്ചിപ്പുടി, കഥകളി, ഓട്ടൻതുള്ളൽ, ചാക്യാർകൂത്ത് തുടങ്ങിയ കലാപരിപാടികൾ ഓൺലൈനിലൂടെ അവതരിപ്പിക്കാമെന്ന് ക്ഷേത്ര കാര്യദർശി മണിക്കുട്ടൻ നമ്പൂതിരി അറിയിച്ചു. www.facebook.com/Chakkulam എന്ന ഫെയിസ്ബുക്ക് പേജില്‍ കലാപരിപാടികൾ ലഭിക്കും. Web: www.chakkulathukavutemple.org, E-mail chakkulathukavu@gmail.com ഫോൺ: 9447104242, 8943218902