ആലപ്പുഴ: ജില്ലയിൽ ഇന്നലെ 340 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 6701 ആയി. ഇന്നലെ രോഗം സ്ഥിരീകരിച്ചവരിൽ ഒരാൾ ഇതരസംസ്ഥാനത്തു നിന്നും എത്തിയതാണ്. 333പേർക്ക് സമ്പർക്കത്തിലൂടെയാണ് രോഗം ബാധിച്ചത്. ആറുപേരുടെ സമ്പർക്ക ഉറവിടം വ്യക്തമല്ല . 338 പേരുടെ പരിശോധനാഫലം നെഗറ്റീവായതോടെ 18030പേർ രോഗ മുക്തരായി.

 ജില്ലയിൽ നിരീക്ഷണത്തിൽ കഴിയുന്നവർ: 13,968

 വിവിധ ആശുപത്രികളിൽ കഴിയുന്നവർ: 4835

 ഇന്നലെ ആശുപത്രിയിൽ പ്രവേശിപ്പിച്ചവർ: 294

കേസ് 63, അറസ്റ്റ് 52

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 63 കേസുകളിൽ 52 പേരെ അറസ്റ്റ് ചെയ്തു. മാസ്‌ക്ക് ധരിക്കാത്തതിന് 300 പേർക്കും സാമൂഹ്യ അകലം പലിക്കാത്തതിന് 1195 പേർക്കും ഹോം ക്വാറന്റൈൻ ലംഘനത്തിന് ഒരാൾക്കും നിരോധനാജ്ഞ ലംഘനം നടത്തിയതിന് 11 കേസുകളിൽ 67 പേർക്കെതിരെയും നടപടി എടുത്തു.