ശ്ലോകം 6

മീനായതും ഭവതി മാനായതും ജനനി !

നീനാഗവും നഗഖഗം-

താനായതും ധര നദീനാരിയും നരനു-

മാനാകവും നരകവും-

നീ നാമരൂപമതിൽ നാനാവിധ പ്രകൃതി

മാനായിനിന്നറിയുമീ

ഞാനായതും ഭവതി ഹേ നാദരൂപീണിയ-

ഹോ ! നാടകം നിഖിലവും

സാരം:

ജലജീവിയായ മീനായ് ഭവിച്ചതും കാനനത്തിൽ മാനായ് ജനിച്ചതും ഇഴജന്തുവായ പാമ്പായതും പർവ്വതമായതും പക്ഷി ആയതും അമ്മേ നിന്റെ വിവിധ ഭാവങ്ങൾ അല്ലയോ ! ഭൂമി ആയതും നദിയായതും നാരിയായതും പുരുഷനായതും സ്വർഗ്ഗ നരകങ്ങൾ ആയതും അമ്മയുടെ വ്യത്യസ്ത ഭാവങ്ങൾ തന്നെ.പ്രപഞ്ച വിഷയങ്ങളായ അസംഖ്യം നാമരൂപങ്ങളും നീ തന്നെ.

ഈ നാനാവിധ പ്രകൃതിയോടു കൂടിയ നാനാ തരത്തിലുള്ള ആന്തരീക പ്രകൃതിയോടു കൂടിയ (പ്രകൃതിമാനായ)ഈ ഞാനായതും ഭവതീ അവിടുന്നു തന്നെ ആണ്.അല്ലയോ ഓംകാര സ്വരൂപിണീ അവിടുത്തെ നാടകമല്ലയോ ഇതെല്ലാം.

വ്യാഖ്യാനം:സ്വാമി പ്രവണവ സ്വരൂപാനന്ദ,

ശ്രീനാരായണ തപോവനം,ചേർത്തല,ആലപ്പുഴ.ഫോൺ:9562543153.