ചേർത്തല:നഗരസഭയിൽ കൗൺസിലർമാർക്കും ജീവനക്കാർക്കുമടക്കം 10 പേർക്ക് കൊവിഡ് സ്ഥിരീകരിച്ച സാഹചര്യത്തിൽ ഓഫീസ് അടച്ചു.മൂന്നു ദിവസത്തിനുമുമ്പ് ചെയർമാൻ വി.ടി.ജോസഫിന് രോഗം സ്ഥിരീകരിച്ചിരുന്നു.തുടർന്നു 17നും 18നുമായി നടത്തിയ പരിശോധനയിലാണ് പത്തുപേർക്കു രോഗം സ്ഥിരീകരിച്ചത്.സമ്പർക്കമുണ്ടായ മ​റ്റു ജീവനക്കാരും നിരീക്ഷണത്തിലായതോടെയാണ് 26വരെ നഗരസഭ ഓഫീസ് അടച്ചിടാൻ തീരുമാനിച്ചത്.
ബുധനാഴ്ച നഗരത്തിൽ 55പേർക്കാണ് രോഗം സ്ഥിരീകരിച്ചത്.നഗരത്തിനൊപ്പം സമീപ പഞ്ചായത്തുകളിലും രോഗനിരക്ക് ഞെട്ടിപ്പിക്കുന്ന തരത്തിൽ ഉയർന്നിട്ടുണ്ട്.പട്ടണക്കാട് 65,കടക്കരപ്പള്ളി 33,ചേർത്തല തെക്ക്15,തണ്ണീർമുക്കം16,പള്ളിപ്പുറം15,വയലാർ ഏഴ് എന്നിങ്ങനെയാണ് കണക്കുകൾ.