ആലപ്പുഴ: ജില്ലയിൽ ഇന്നലെ 837 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 7459 ആയി. ഇന്നലെ രോഗം സ്ഥി​രീകരി​ച്ചവരി​ൽ ഏഴുപേർ വിദേശത്തു നിന്നും 16പേർ അന്യസംസ്ഥാനങ്ങളിൽനിന്നും എത്തിയതാണ് .809പേർക്ക് സമ്പർക്കത്തിലൂടെയാണ് രോഗം ബാധിച്ചത്.അഞ്ചുപേരുടെ സമ്പർക്ക ഉറവിടം വ്യക്തമല്ല . 436 പേരുടെ പരിശോധനാഫലം നെഗറ്റീവായതോ‌ടെ രോഗ മുക്തരായവരുടെ എണ്ണം 19,521ആയി​. ചേർത്തല സ്വദേശി രാമകൃഷ്ണൻ പിള്ള(83) ഇന്നലെ കൊവി​ഡ് ബാധി​ച്ച് മരിച്ചു.

ജില്ലയിൽ നിരീക്ഷണത്തിൽ കഴിയുന്നവർ: 14,067

വിവിധ ആശുപത്രികളിൽ കഴിയുന്നവർ: 4954

ഇന്നലെ ആശുപത്രിയിൽ പ്രവേശിപ്പിച്ചവർ: 283

43 കേസുകൾ , 48അറസ്റ്റ്

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 43 കേസുകളിൽ 48 പേരെ പൊലീസ് അറസ്റ്റ് ചെയ്തു. മാസ്‌ക് ധരിക്കാത്തതിന് 229 പേർക്കും സാമൂഹ്യ അകലം പലിക്കാത്തതിന് 1095 പേർക്കും നിരോധനാജ്ഞ ലംഘനം നടത്തിയതി​ന് 10 കേസുകളിൽ 61 പേർക്കും എതിരെ നടപടി എടുത്തു.

തുറവൂരിൽ 73 പേർക്ക് രോഗബാധ

തുറവൂർ: അരൂർ മുതൽ വയലാർ വരെയുള്ള മേഖലയിൽ ഇന്നലെ 73 പേർക്ക് കൂടി കൊവിഡ് സ്ഥിരീകരിച്ചു. ഒരാഴ്ചയ്ക്കുള്ളിൽ ആകെ 376 പേർക്കാണ് ഇവി​ടെ രോഗം ബാധി​ച്ചത്. 2 പേർ മരിക്കുകയുമുണ്ടായി​. കഴിഞ്ഞ രണ്ട് ദിവസങ്ങൾക്കുള്ളി​ൽ പട്ടണക്കാട് പഞ്ചായത്തിൽ രോഗികളുടെ എണ്ണം വർദ്ധിച്ചു.