മാന്നാർ : റിട്ട. അദ്ധ്യാപകൻ ചെന്നിത്തല തെക്ക് കരിമ്പിൽ വി. ദാമോദരൻപിള്ള (96) നിര്യാതനായി. പി.എൻ പണിക്കരുമൊന്നിച്ച് ഗ്രന്ഥശാലാ സംഘം സ്ഥാപിക്കാൻ മുന്നിട്ടിറങ്ങിയ ദാമോദരൻപിള്ള ചെന്നിത്തല ദേശാഭിമാനി ഗ്രന്ഥശാലയുടെ സ്ഥാപക സെക്രട്ടറിയായിരുന്നു. സംസ്കൃതത്തിൽ അഗാധമായ ജ്ഞാനമുണ്ടായിരുന്ന അദ്ദേഹം മലയാളവേദി, സാംസ്കാരിക സമിതി, ഉള്ളൂർസ്മാരക സാംസ്കാരിക സമിതി മാന്നാർ, മാവേലിക്കര ശാരദാമഠം എന്നീ സംഘടനകളിൽ നിറസാന്നിദ്ധ്യമായിരുന്നു. കവിയും, അക്ഷരശ്ലോക പണ്ഡിതനുമായിരുന്നു. ചെന്നിത്തല എൻ.എസ്.എസ് കരയോഗത്തിന്റെ പ്രസിഡന്റും സെക്രട്ടറിയുമായി പ്രവർത്തിച്ചിട്ടുണ്ട്. ഭാര്യ കെ. അമ്മിണിയമ്മ (റിട്ട. ഹെഡ്മിസ്ട്രസ്), മക്കൾ : ഡി. സുജാത, സുരേഷ് ഡി പിള്ള (റിട്ട. എയർ ഇന്ത്യ എൻജിനീയർ), അനന്തകുമാർ (റിട്ട. കമാൻഡർ, ഇന്ത്യൻ നേവി), ഡി. അനിതകുമാരി (റിട്ട. അദ്ധ്യാപിക, എസ്.ഡി.പി.വൈ.ബി. എച്ച് എസ് എസ്, പള്ളുരുത്തി, കൊച്ചി). മരുമക്കൾ: ശങ്കരൻകുട്ടിക്കുറുപ്പ് (റിട്ട. എയർഫോഴ്‌സ്), രാജശ്രീ എസ് പിളള (അസി. പ്രൊഫസർ, മുംബയ്) ,ലതാ അനന്ത്, ഡോ. വി. ശ്രീകുമാർ (ഡെപ്യൂട്ടി ജനറൽ മാനേജർ, ഹിൻഡാൽക്കോ, കളമശ്ശേരി).