ഹരിപ്പാട്: ഹോട്ടൽ തൊഴിലാളിയായ കുമാരപുരം പൊത്തപ്പള്ളി കൊച്ചുകറുകത്തറയിൽ ജി.ശ്രീകുമാർ ( വേണു 52 ) കൊവിഡ് ബാധിച്ചു മരിച്ചു. . പനി ബാധിച്ചതിനെ തുടർന്ന് പതിനേഴാം തീയതി ഹരിപ്പാട് താലൂക്ക് ആശുപത്രിയിൽ ചികിത്സയ്ക്ക് എത്തുകയും പരിശോധനയിൽ കൊവിഡ് പോസിറ്റീവ് ആകുകയും ചെയ്തതോടെ മംഗലം കൊവിഡ് ഫസ്റ്റ് ലൈൻ ട്രീറ്റ്മെന്റ് സെന്ററിൽ പ്രവേശിപ്പിക്കുകയും ചെയ്തു. രക്തസമ്മർദ്ദം കുറഞ്ഞതിനെ തുടർന്ന് വ്യാഴാഴ്ച വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ച് നടത്തിയ പരിശോധനയിൽ ഹൃദയ സംബന്ധമായ അസുഖം കണ്ടെത്തി. തിങ്കളാഴ്ച രാവിലെയാണ് മരിച്ചത്. കുമാരപുരം പഞ്ചായത്ത് ജംഗ്ഷനിലെ ഹോട്ടൽ തൊഴിലാളിയായിരുന്നു. സംസ്ക്കാരം ഇന്ന് ആലപ്പുഴ ചാത്തനാട് പൊതു ശ്മശാനത്തിൽ . മാതാവ്: ചന്ദ്രിക. ഭാര്യ: സുപ്രഭ. മക്കൾ: ശ്രീലക്ഷ്മി, ശ്രീഹരി. മരുമകൻ: ആനന്ദ്