ആലപ്പുഴ: ജില്ലയിൽ ഇന്നലെ 647 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 7840 ആയി. ഇന്നലെ രോഗം സ്ഥിരീകരിച്ചവരിൽ 13പേർവിദേശത്തു നിന്നും 21പേർ അന്യസംസ്ഥാനങ്ങളിൽ നിന്നും എത്തിയതാണ്. 594പേർക്ക് സമ്പർക്കത്തിലൂടെയാണ് രോഗബാധ.19 പേരുടെ സമ്പർക്ക ഉറവിടം വ്യക്തമല്ല. 532 പേരുടെ പരിശോധനാഫലം നെഗറ്റീവായതോടെ രോഗ മുക്തരായവരുടെ ആകെ എണ്ണം 22083 ആയി.

ജില്ലയിൽ നിരീക്ഷണത്തിൽ കഴിയുന്നവർ: 12,568

വിവിധ ആശുപത്രികളിൽ കഴിയുന്നവർ: 5238

ഇന്നലെ ആശുപത്രിയിൽ പ്രവേശിപ്പിച്ചവർ: 327

45 കേസുകൾ,32 അറസ്റ്റ്

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 45 കേസുകളിൽ 32 പേരെ അറസ്റ്റ് ചെയ്തു. മാസ്‌ക് ധരിക്കാത്തതിന് 295 പേർക്കും,സാമൂഹ്യ അകലം പലിക്കാത്തതിന് 1127 പേർക്കും നിരോധനാജ്ഞ ലംഘനം നടത്തിയ നാല് കേസുകളിൽ 73 പേർക്കെതിരെയും നടപടിയെടുത്തു.