മഞ്ഞിൽ കൊവിഡിനെ കൂടുതൽ ഭയക്കണമെന്ന് വിദഗ്ദ്ധർ

ആലപ്പുഴ: കൊവിഡിനൊപ്പം നാട് മഞ്ഞുകാലത്തേക്കു കടക്കുമ്പോൾ വെല്ലുവിളികൾ ഏറെയെന്ന് വിദഗ്ദ്ധർ. വിദേശ രാജ്യങ്ങളിലേതു പോലെ ഇന്ത്യയിലും രണ്ടാം വ്യാപനമുണ്ടാകുമോയെന്ന ആശങ്കയിലാണ് ആരോഗ്യ വകുപ്പ് അധികൃതർ. അതുകൊണ്ടു തന്നെ വരാനിരിക്കുന്ന മൂന്നു മാസങ്ങൾ കൊവിഡ് പ്രതിരോധത്തിൽ നിർണ്ണായകമെന്നാണ് വിലയിരുത്തുന്നത്.

കൊവിഡ് വൈറസിന് ഏറ്റവും അനുകൂല സാഹചര്യം തണുപ്പു തന്നെയാണെന്നു പഠനങ്ങൾ സൂചിപ്പിക്കുന്നുണ്ട്. രാജ്യത്തെ മറ്റ് സംസ്ഥാനങ്ങളെ അപേക്ഷിച്ച് സംസ്ഥാനത്ത് പൊതുവേ തണുപ്പു കുറവാണെങ്കിലും നവംബർ മുതൽ ജനുവരി വരെ മഞ്ഞുകാലമാണ്. ഈ കാലത്താണ് വൈറൽ രോഗങ്ങൾ കൂടുതലായി മുൻ വർഷങ്ങളിൽ പകർന്നത്. ഇതോടൊപ്പമാണ് ഇത്തവണ കൊവിഡ് വെല്ലുവിളിയായി നിൽക്കുന്നത്.

വൈറസ് ബാധിതരുടെ കാര്യത്തിൽ കൂടുതൽ ശ്രദ്ധ വേണ്ടിവരും. ചെറിയ ചുമ പോലും നിസാരമായി കാണരുത്. കൊവിഡിന്റെ രണ്ടാം വരവ് ഒഴിവാക്കാൻ ജാഗ്രതയാണ് ആവശ്യം. ആഘോഷങ്ങളും ആർഭാടങ്ങളും ഉണ്ടാകുന്ന മുഴുവൻ പരിപാടികളും ഒഴിവാക്കിയാൽ ഒരു പരിധിവരെ രണ്ടാം വരവിനെ തടയിടാൻ കഴിയുമെന്ന വിശ്വാസമാണ് ആരോഗ്യ വകുപ്പിനുള്ളത്.

ഉത്സവ കാലം

മഞ്ഞുകാലം സംസ്ഥാനത്ത് ഉത്സവകാലം കൂടിയാണ്. മണ്ഡലകാലം, ക്രിസ്മസ്, പുതുവത്സരാഘോഷം, ആരാധനാലയങ്ങളിലെ ഉത്സവങ്ങൾ എന്നിവ മഞ്ഞുകാലത്താണ് നടക്കുന്നത്.

രണ്ടാമതും വരാം

ഒരിക്കൽ വന്നവർക്കും മഞ്ഞുകാലത്ത് വീണ്ടും കൊവിഡ് വ്യാപിക്കാൻ സാദ്ധ്യതയുണ്ട്. രോഗം വന്നവരിൽ അടുത്ത ഏഴ് മാസത്തേക്ക് പ്രതിരോധ ശേഷിയിൽ കാര്യമായ വ്യത്യാസം അനുഭവപ്പെടും. സംസ്ഥാനത്ത് ഇതിനോടകം മൂന്ന് ലക്ഷത്തിൽ അധികം പേർക്ക്, അവരറിയാതെ കൊവിഡ് വന്നുപോയിട്ടുണ്ട്. ജില്ലയിൽ 30,000 പേർ ഈ പട്ടികയിൽ ഇടം പിടിച്ചിട്ടുണ്ട്. ഇവർക്ക് രോഗം വീണ്ടും വരാനുള്ള സാദ്ധ്യത കണക്കിലെടുത്ത് അതീവ ജാഗ്രത പാലിക്കണമെന്ന് ജില്ലാ ഭരണകൂടം മുന്നറിയിപ്പ് നൽകിയിട്ടുണ്ട്.

മഞ്ഞ് കാലത്താണ് വൈറസ് രോഗങ്ങൾ കൂടതൽ ശക്തിപ്രാപിക്കാറുള്ളത്. നവംബർ മുതൽ ജനുവരി വരെയുള്ള സമയത്ത് സംസ്ഥാനത്ത് വൈറൽ പനിയും മറ്റുരോഗങ്ങളും കൂടുതലായി റിപ്പോർട്ട് ചെയ്യുന്നുണ്ട്. ഇത്തവണ വൈറൽ പനക്ക് പുറമേ കൊവിഡും വലിയ ഭീഷണിയാണ് ഉയർത്തുന്നത്. ആസ്ത് മ, ശ്വാസകോശ രോഗങ്ങൾ, കരൾ രോഗം, പ്രമേഹം, വൃക്ക രോഗങ്ങൾ എന്നിവരുള്ളവർ ജാഗ്രത കാട്ടണം. 65 വയസ് കഴിഞ്ഞവരും പത്ത് വയസിന് താഴെയുള്ളവരും ഗർഭിണികളും അത്യാവശ്യത്തിന് മാത്രമേ പുറത്തിറങ്ങാവൂ

പ്രൊഫ. ഡോ. ബി.പത്മകുമാർ, മെഡിസിൻ വിഭാഗം, മെഡിക്കൽ കോളേജ്, ആലപ്പുഴ

രോഗവ്യാപനം തടയാൻ നിലവിലുള്ള പ്രതിരോധ നിർദ്ദേശങ്ങൾ പൂർണ്ണമായും ജനങ്ങൾ പാലിക്കണം. മാസ്ക്, സാമൂഹിക അകലം, സാനിട്ടൈസർ, കൈകൾ കഴുകുക തുടങ്ങിയ നിർദേശങ്ങൾ കൃത്യമായി പാലക്കണം

ഡോ.സൈറു ഫിലിപ്പ്, വൈസ് പ്രിൻസിപ്പൽ, മെഡിക്കൽ കോളേജ്, ആലപ്പുഴ

790​ ​പേ​ർ​ക്ക് ​കൊ​വി​ഡ്,ര​ണ്ട് ​മ​ര​ണം

ജി​ല്ല​യി​ൽ​ ​നി​രീ​ക്ഷ​ണ​ത്തി​ൽ​ ​ക​ഴി​യു​ന്ന​വ​ർ​:​ 12,566

ആ​ല​പ്പു​ഴ​:​ ​ജി​ല്ല​യി​ൽ​ ​ഇ​ന്ന​ലെ​ 790​ ​പേ​ർ​ക്ക് ​കൊ​വി​ഡ് ​സ്ഥി​രീ​ക​രി​ച്ച​തോ​ടെ​ ​ചി​കി​ത്സ​യി​ലു​ള്ള​വ​രു​ടെ​ ​ആ​കെ​ ​എ​ണ്ണം​ 8264​ ​ആ​യി.​ ​ഇ​ന്ന​ലെ​ ​രോ​ഗം​ ​സ്ഥി​​​രീ​ക​രി​​​ച്ച​വ​രി​​​ൽ​ ​നാ​ലു​ ​പേ​ർ​വി​ദേ​ശ​ത്തു​ ​നി​ന്നും​ 57​പേ​ർ​ ​അ​ന്യ​സം​സ്ഥാ​ന​ങ്ങ​ളി​ൽ​നി​ന്നും​ ​എ​ത്തി​യ​താ​ണ്.​ 717​പേ​ർ​ക്ക് ​സ​മ്പ​ർ​ക്ക​ത്തി​ലൂ​ടെ​യാ​ണ് ​രോ​ഗ​ബാ​ധ.12​ ​പേ​രു​ടെ​ ​സ​മ്പ​ർ​ക്ക​ ​ഉ​റ​വി​ടം​ ​വ്യ​ക്ത​മ​ല്ല​ .​ 366​പേ​രു​ടെ​ ​പ​രി​ശോ​ധ​നാ​ഫ​ലം​ ​നെ​ഗ​റ്റീ​വാ​യ​തോ​ടെ​ ​രോ​ഗ​ ​മു​ക്ത​രാ​യ​വ​രു​ടെ​ ​ആ​കെ​ ​എ​ണ്ണം​ 22449​ ​ആ​യി​​.​ ​ആ​ല​പ്പു​ഴ​ ​ക​നാ​ൽ​ ​വാ​ർ​ഡ് ​സ്വ​ദേ​ശി​ ​ലി​നോ​സ് ​(74​),​വെ​ള്ള​ക്കി​​​ണ​ർ​ ​സ്വ​ദേ​ശി​ ​അ​ബ്ദു​ൾ​ ​ക​ലാം​ ​(65​)​ ​എ​ന്നി​വ​രു​ടെ​ ​മ​ര​ണം​ ​കൊ​വി​ഡ് ​മൂ​ല​മാ​ണെ​ന്ന് ​സ്ഥി​രീ​ക​രി​ച്ചു.

41​ ​കേ​സു​ക​ൾ,​ 13​ ​അ​റ​സ്റ്റ്
ജി​ല്ല​യി​ൽ​ ​കൊ​വി​ഡ് ​മാ​ന​ദ​ണ്ഡ​ ​ലം​ഘ​ന​വു​മാ​യി​ ​ബ​ന്ധ​പ്പെ​ട്ട് 41​ ​കേ​സു​ക​ളി​ൽ​ 13​ ​പേ​രെ​ ​അ​റ​സ്റ്റ് ​ചെ​യ്തു.​ ​മാ​സ്‌​ക്ക് ​ധ​രി​ക്കാ​ത്ത​തി​ന് 284​ ​പേ​ർ​ക്കും​ ​സാ​മൂ​ഹ്യ​ ​അ​ക​ലം​ ​പ​ലി​ക്കാ​ത്ത​തി​ന് 1115​ ​പേ​ർ​ക്കും​ ​നി​രോ​ധ​നാ​ജ്ഞ​ ​ലം​ഘ​നം​ ​ന​ട​ത്തി​യ​ ​എ​ട്ടു​ ​കേ​സു​ക​ളി​ൽ​ 62​ ​പേ​ർ​ക്കും​ ​എ​തി​രെ​ ​ന​ട​പ​ടി​ ​എ​ടു​ത്തു.