ആലപ്പുഴ: പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ജില്ലയിൽ 5 കോടി കിഫ്ബി ഫണ്ടും ഒരു കോടി, രണ്ടു കോടി രൂപ പ്ലാൻഫണ്ടും ഉപയോഗിച്ചു നിർമ്മിച്ച സ്കൂൾകെട്ടിടങ്ങളുടെ മൂന്നാം ഘട്ട ഉദ്ഘാടനവും പുതുതായി നിർമ്മാണം തുടങ്ങുന്ന സ്‌കൂൾ കെട്ടിടങ്ങളുടെ ശിലാസ്ഥാപനവും നവംബർ 4 ന് വൈകിട്ട് 3.30 ന് മുഖ്യമന്ത്രി പിണറായി വിജയൻ നിർവ്വഹിക്കും.

വിദ്യാഭ്യാസ മന്ത്രി പ്രൊഫ.സി. രവീന്ദ്രനാഥ് അദ്ധ്യക്ഷത വഹിക്കും. മന്ത്രി ഡോ.തോമസ് ഐസക് മുഖ്യ പ്രഭാഷണം നടത്തും. ചടങ്ങിൽ അതത് നിയോജകമണ്ഡലത്തിലെ എം.എൽ.എമാർ, എം.പിമാർ, തദ്ദേശസ്വയംഭരണ സ്ഥാപന മേധാവികൾ തുടങ്ങിയവർ പങ്കെടുക്കും.

 പുതിയ കെട്ടിടങ്ങൾ

ചേർത്തല നിയോജകമണ്ഡലത്തിലെ ഗവ.ഗേൾസ് ഹയർസെക്കൻഡറി സ്‌കൂളിലെ സി.ബ്ലോക്ക്, മാവേലിക്കര നിയോജകമണ്ഡലത്തിലെ കണ്ണനാകുഴി ഗവ.എൽ.പി.എസ്, കുട്ടനാട് നിയോജകമണ്ഡലത്തിലെ കരുമാടി കെ.കെ. കുമാരപിളള സ്മാരക ഗവ.ഹൈസ്‌കൂളിലെ കെട്ടിടം, ആലപ്പുഴ നിയോജകമണ്ഡലത്തിലെ ഗവ.യു.പി.എസ് പൂന്തോപ്പിൽ ഭാഗം, ഗവ.യു.പി.എസ്.തമ്പകച്ചുവട്, ഗവ.എൽ.പി.എസ്- മാരാരിക്കുളം, എസ്.സി.എം.വി.യു.പി.എസ്. പൂങ്കാവ്, ഗവ.എൽ.പി.എസ്. കലവൂർ, വി.വി.എസ്.ഡി.യു.പി.എസ്, പാതിരപ്പള്ളി, ഗവ.യു.പി.എസ് ആര്യാട് നോർത്ത്, ചെങ്ങന്നൂർ നിയോജകമണ്ഡലത്തിലെ ഹരിജനോദ്ധാരണി ഗവ.എൽ.പി.എസ് ചെന്നിത്തല എന്നിവയാണ് ശിലാസ്ഥാപനം നടക്കുന്ന സ്‌കൂൾ കെട്ടിടങ്ങൾ.