ആലപ്പുഴ: ജില്ലയിൽ ഇന്നലെ 645 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 8700 ആയി. നാല് പേർവിദേശത്തു നിന്നും മൂന്ന് പേർ അന്യസംസ്ഥാനങ്ങളിൽ നിന്നും എത്തിയതാണ്. 635 പേർക്ക് സമ്പർക്കത്തിലൂടെയാണ് രോഗം ബാധിച്ചത്. മൂന്ന് പേരുടെ സമ്പർക്ക ഉറവിടം വ്യക്തമല്ല. 571പേരുടെ പരിശോധനാഫലം നെഗറ്റീവായതോടെ 24,110 പേർ രോഗ മുക്തരായി. പെരിങ്ങലിപ്പുറം സ്വദേശി സോമൻ (56),ചേർത്തല സ്വദേശിനി വിലാസിനി (75) എന്നിവരുടെ മരണം കൊവിഡ് മൂലമാണെന്ന് സ്ഥിരീകരിച്ചതോടെ ജില്ലയിൽ മരിച്ചവരുടെ എണ്ണം 105 ആയി.

 ജില്ലയിൽ നിരീക്ഷത്തിൽ കഴിയുന്നവർ:12,539

 വിവിധ ആശുപത്രികളിൽ കഴിയുന്നവർ: 5412

 ഇന്നലെ ആശുപത്രിയിൽ പ്രവേശിപ്പിച്ചവർ:259

# കേസ് 36, അറസ്റ്റ് 25

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 36 കേസുകളിൽ 25 പേരെ അറസ്റ്റ് ചെയ്തു. മാസ്‌ക്ക് ധരിക്കാത്തതിന് 272 പേർക്കും സാമൂഹ്യ അകലം പലിക്കാത്തതിന് 897 പേർക്കും നിരോധനാജ്ഞ ലംഘനം നടത്തിയ നാലു കേസുകളിലായി 30 പേർക്കെതിരെയും നടപടി എടുത്തു.