ചാരുംമൂട്: സംസ്ഥാന ലോട്ടറി വകുപ്പിന്റെ നിർമ്മൽ ഭാഗ്യക്കുറിയുടെ ഒന്നാം സമ്മാനമായ 70 ലക്ഷം രൂപ താമരക്കുളം കിഴക്കേ മുറിയിൽ താമസിക്കുന്ന പള്ളിക്കൽ പാറയിൽ പടിഞ്ഞാറെപ്പുര എസ്.വിനോദിന് ലഭിച്ചു.

ലോട്ടറി ഏജന്റ് താമരക്കുളം സ്വദേശി ബിജു വിറ്റ ടിക്കറ്റിന് ഇത് രണ്ടാം തവണയാണ് ഒന്നാം സമ്മാനം ലഭിക്കുന്നത്.

ടൈൽസ് ജോലികൾ ചെയ്യുന്ന വിനോദ് സ്ഥിരം ലോട്ടറി ടിക്കറ്റ് എടുക്കാറുണ്ട്. എൻ.ഡി 638915 നമ്പർ ടിക്കറ്റിനാണ് സമ്മാനം ലഭിച്ചത്. ശൂരനാട് പാറക്കടവിലും , താമരക്കുളം ചാവടിയിലും ലോട്ടറി വില്പന നടത്തുന്ന താമരക്കുളം ബിജുവിന്റെ ശിവഗംഗ ലക്കി സെന്ററിൽ നിന്നാണ് ടിക്കറ്റെടുത്തത്. നാലു മാസം മുമ്പ് താമരക്കുളം സ്വദേശി സതീശന് വിൻവിൻ ലോട്ടറിയുടെ ഒന്നാം സമ്മാനമായ 75 ലക്ഷം രൂപ ലഭിച്ചിരുന്നു.