ന്യൂഡൽഹി :സുപ്രീംകോടതി ജസ്റ്റിസ് എൻ.വി രമണയ്ക്ക് എതിരെ ഗുരുതര ആരോപണമുന്നയിച്ച ആന്ധ്ര മുഖ്യമന്ത്രി വൈ.എസ് ജഗൻ മോഹൻ റെഡ്ഡിയുടെ നടപടിയെ അപലപിച്ച് ഡൽഹി ഹൈക്കോടതി ബാർ അസോസിയേഷൻ. ഇത് നീതിന്യായ ഭരണസംവിധാനത്തിലേക്കുള്ള കടന്നുകയറ്റമാണെന്ന് അസോസിയേഷൻ പാസാക്കിയ പ്രമേയത്തിൽ ആരോപിച്ചു. കോടതിയലക്ഷ്യ നടപടിയാണ് ജഗന്റെ ഭാഗത്ത് നിന്നുണ്ടായതെന്നും സംഘടന വ്യക്തമാക്കി.