ന്യൂഡൽഹി: കേരളത്തിൽ കേസന്വേഷണത്തിന് സി.ബി.ഐക്ക് നൽകിയിട്ടുള്ള പൊതുസമ്മത വ്യവസ്ഥ റദ്ദാക്കുന്നത് സംബന്ധിച്ച് കേരളത്തിൽ തീരുമാനമെടുക്കാമെന്ന് സി.പി.എം കേന്ദ്രകമ്മിറ്റിയിൽ ധാരണ. പൊതുസമ്മത വ്യവസ്ഥ റദ്ദാക്കാനുള്ള ഇടത് സർക്കാരിന്റെ നീക്കത്തിന് സി.പി.എം പോളിറ്റ് ബ്യൂറോ നേരത്തെ അംഗീകാരം നൽകിയിരുന്നു.

എൽ.ഡി.എഫ് സർക്കാരിനെതിരെ സി.ബി.ഐ പോലുള്ള അന്വേഷണ ഏജൻസികളെ സംസ്ഥാനത്ത് കേന്ദ്രസർക്കാർ ദുരുപയോഗം ചെയ്യുകയാണെന്ന് കേന്ദ്രകമ്മിറ്റി പാസാക്കിയ പ്രമേയത്തിൽ പറയുന്നു. ഈ ഗൂഢാലോചനയ്‌ക്ക് കേരളത്തിലെ ജനങ്ങൾ തക്കതായ മറുപടി നൽകുമെന്നും കേന്ദ്ര കമ്മിറ്റിയുടെ പ്രമേയം ചൂണ്ടിക്കാട്ടി.