തൃക്കാക്കര: തദ്ദേശ തിരഞ്ഞെടുപ്പ് പ്രചാരണത്തിന് ചുക്കാൻ പിടിക്കുടിക്കുക നവമാദ്ധ്യമങ്ങളായിരിക്കുമെന്ന് ഉറപ്പായിക്കഴിഞ്ഞു. എന്നാൽ എതിർ സ്ഥാനാർത്ഥിയേയും മുന്നണിയേയും വിറപ്പിക്കാൻ സോഷ്യൽമീഡയയിൽ ഏത് അടവ് പയറ്റും? ഇങ്ങനെ ചോദിച്ചാൽ വെർച്വൽ റാലിയെന്നാവും ഈ രംഗത്ത് പ്രവർത്തിക്കുന്നവർ നൽകുന്ന ഉത്തരം.പരമ്പരാഗത രീതി​കളി​ൽ പലതും ഇക്കുറി പ്രായോഗി​കമല്ല. വീടുകളി​ൽ സ്ക്വാഡ് പ്രവർത്തനവും കുടുംബയോഗവും നോട്ടീസ് വി​തരണവും വോട്ടർമാർക്ക് ഇഷ്ടപ്പെടണമെന്നി​ല്ല.റാലി​കൾക്കും പൊതുയോഗങ്ങൾക്കും നി​യന്ത്രണങ്ങളുണ്ട്. പതി​വ് തന്ത്രങ്ങളെല്ലാം മാറ്റി​ പുതി​യ പരീക്ഷണങ്ങൾക്ക്​ ഇറങ്ങുമ്പോൾ സോഷ്യൽ മീഡിയ വഴി​യുള്ള വെർച്വൽ റാലി ഉപയോഗിച്ചുള്ള പ്രചാരണമാവും കൂടുതൽ ജനശ്രദ്ധ നേടുകയെന്ന വിശ്വാസവും രാഷ്ട്രീയപാർട്ടികൾക്കുണ്ട്.അതേസമയം സ്ഥാനാർത്ഥികളെ സഹായിക്കാൻ ചില ഏജൻസികളും രംഗത്തുണ്ട്.ഫേസ്ബുക്ക്, വാട്സ്ആപ് മുതലായ സോഷ്യൽ മീഡിയ പ്ലാറ്റുഫോമുകൾ വഴി ഇക്കുറി തെരഞ്ഞെടുപ്പ് പ്രചാരണം കൊഴുക്കും.നോട്ടീസും പോസ്റ്ററും ചുമരെഴുത്തുമൊക്കെ രണ്ടാം നി​രയി​ലാകും ഇടംപി​ടി​ക്കുക.വാർഡ് കേന്ദ്രീകരിച്ചു വാട്സ്അപ് കൂട്ടായ്മകൾ ആരംഭിച്ചുകഴിഞ്ഞു.

കമ്മീഷൻ മാർഗ നിർദേശങ്ങൾ

• അഞ്ചംഗ സംഘത്തിന് വീടുകളി​ൽ കയറി​ പ്രചാരണം നടത്താം

• മാസ്‌ക് നിർബന്ധമായും ധരിക്കണം.

• പോളിംഗ് സ്റ്റേഷനുകളിൽ തെർമൽ സ്‌കാനർ, സാനിടൈസർ,

കൈ കഴുകാനുള്ള സൗകര്യം എന്നിവ ഉറപ്പാക്കണം.

• ബൂത്തില്‍ വോട്ട് ചെയ്യാവുന്നവരുടെ പരമാവധി എണ്ണം 1500ൽ നിന്ന് 1000 ആക്കി.
• നോഡൽ ഹെൽത്തു ഓഫീസർക്ക് മേൽനോട്ട ചുമതല.

• 80 വയസിന് മുകളിലുള്ളവർക്കും കൊവിഡ് ബാധിതർക്കും പോസ്റ്റൽ ബാലറ്റ്