പട്ടിമറ്റം: മനക്കകടവ് -നെല്ലാട് - പട്ടിമ​റ്റം - പത്താംമൈൽ റോഡ് നിർമ്മാണത്തിലെ സർക്കാർ വകുപ്പുകളുടെ അനാസ്ഥയിൽ പ്രതിഷേധിച്ച് കുന്നത്തുനാട് നിയോജക മണ്ഡലം യു.ഡി.എഫ് കമ്മിറ്റിയുടെ നേതൃത്വത്തിൽ പട്ടിമ​റ്റത്ത് ജനകീയ പ്രതിഷേധവും റോഡ് ഉപരോധവും നടത്തി.പ്രതിഷേധയോഗം ബന്നി ബഹനാൻ എം.പി യും, ഉപരോധസമരം വി.പി സജീന്ദ്രൻ എം.എൽ.എ യും ഉദ്ഘാടനം ചെയ്തു. യു.ഡി.എഫ് ചെയർമാൻ സി.പി ജോയി അദ്ധ്യക്ഷനായി.സി.ജെ ജേക്കബ്,നിബു കുര്യാക്കോസ്, ടി.എ ഇബ്രാഹിം തുടങ്ങിയവർ സംസാരിച്ചു.