തിരുമാറാടി: കഴുത്തിലും ചുണ്ടിലും പ്ലാസ്റ്റിക് കുരുങ്ങി തീ​റ്റ തേടുക്കാനാവതെ അവശനിലയിൽ കണ്ടെത്തിയ ദേശാടന പക്ഷിക്ക് രക്ഷകരായി തിരുമാറാടിയിലെ യുവാക്കൾ. തിരുമാറാടി പുന്നംകോട് പാടശേഖരത്തിലാണ് സൈബീരിയൻ കൊക്കിനെ അവശനിലയിൽ കണ്ടെത്തിയത്. ടേപ്പ് ചു​റ്റി വരുന്ന പ്ലാസ്​റ്റിക് ചക്രത്തിൽ പക്ഷിയുടെ ചുണ്ടും കഴുത്തും കുരുങ്ങിയ പക്ഷിയെ ഉറുമ്പരിക്കുന്ന നിലയിലായിരുന്നു. സ്​റ്റാലിൻ മാത്യു, ഡിക്‌സൻ മാത്യു സിജോ പോൾ എന്നിവരാണ് പക്ഷിയെ രക്ഷപ്പെടുത്തിയത്. പുന്നംകോട്, വാളിയപ്പാടം,തിരുമാറാടി, പാടശേ ഖരങ്ങളിൽ സൈബീരിയൻ കൊക്കുകൾ കൂട്ടമായി വിരുന്നെത്തുന്നത് പതിവുകാഴ്ചയാണ്.