കൊച്ചി: മന്ത്രി കെ.ടി.ജലീൽ എൻഫോഴ്സ്‌മെന്റ് ഡയറക്‌ടറേറ്റിന് നൽകിയ സ്വത്ത് വിവരത്തിൽ സ്വന്തമായി 19.5 സെന്റ് സ്ഥലവും വീടും മാത്രം. ഭാര്യയും മക്കളും ഉപയോഗിക്കാത്തതിനാൽ ഒരു തരി സ്വർണം പോലുമില്ല. ഭൂമിയുടെ ആധാരത്തിന്റെ പകർപ്പും ബാദ്ധ്യതകൾ തെളിയിക്കുന്ന രേഖകളും സഹിതമാണ് ജലീൽ വിവരങ്ങൾ കൈമാറിയത്.

 വളാഞ്ചേരി കാനറാ ബാങ്കിൽ അഞ്ചു ലക്ഷത്തിന്റെ വീട് വായ്പ

 മലപ്പുറത്തെ രണ്ട് സൊസൈറ്റികളിൽ 5,000 രൂപയുടെ ഷെയർ

 വീട്ടിൽ 1.50 ലക്ഷം രൂപയ്ക്ക് താഴെയുള്ള ഫർണിച്ചർ

 മകളുടെ ബാങ്ക് അക്കൗണ്ടിലുള്ളത് 36,000 രൂപ

 മകന്റെ ബാങ്ക് അക്കൗണ്ടിലുള്ളത് 500 രൂപ

 ജലീലിന് നാലു ലക്ഷം രൂപ സമ്പാദ്യം

 ഭാര്യയ്ക്ക് 27 വർഷത്തെ ശമ്പള സാമ്പാദ്യമായി 22 ലക്ഷം രൂപ

 നാലര വർഷത്തിനിടെ ആറു വിദേശ യാത്രകൾ.യു.എ.ഇ: 2, റഷ്യ,

അമേരിക്ക, മാലദ്വീപ്, ഖത്തർ ഒന്നു വീതം