കൊച്ചി:എറണാകുളം കെ.എസ്.ആർ.ടി.സി ബസ് സ്റ്റാൻഡിനു സമീപമുള്ള അമ്മൻകോവിൽ റോഡ് കൽവർട്ട്, മുല്ലശേരി കനാൽ റോഡ് കൽവർട്ട്, മഹാകവി ഭാരതീയർ റോഡ് കൽവർട്ട് എന്നിവയുടെയും അനുബന്ധ കാനകളുടെയും പുനർനിർമ്മാണം പൂർത്തിയായി. ടി.ജെ. വിനോദ് എം.എൽ.എ ഉദ്ഘാടനം ചെയ്തു. മാലിന്യം അടിഞ്ഞുകൂടി നീരൊഴുക്ക് ഇല്ലാതെ കിടന്നിരുന്ന കാനകളും, റോഡിന്റെ ലെവലിൽ വേണ്ടത്ര ഉയരം ഇല്ലാത്തതിനാൽ ഗതാഗതത്തിനും നീരൊഴുക്കിനും തടസം സൃഷ്ടിച്ചിരുന്ന മൂന്ന് കൽവർട്ടുകളും പുനർനിർമ്മിച്ചതിലൂടെ മഴക്കാലത്ത് ഈ പരിസരത്തുണ്ടായിരുന്ന വെള്ളപ്പൊക്കത്തിന് ഒരു പരിധിവരെ പരിഹാരം ഉണ്ടാവുമെന്നാണ് പ്രതീക്ഷ.

എം.എൽ.എ യുടെ ആസ്തിവികസന ഫണ്ടിൽ നിന്നും 27 ലക്ഷം രൂപ ചെലവഴിച്ചാണ് നിർമ്മാണ പ്രവർത്തനങ്ങൾ നടത്തിയത്. കൗൺസിലർമാരായ കെ.വി.പി കൃഷ്ണകുമാർ, സുധ ദിലീപ്കുമാർ, ഇനക്‌സ് മൈക്കിൾ, വി.എം ജോൺ, സ്റ്റാനി വി.എം, ആന്റണി അലക്‌സ് എബി, വർഗീസ് ചാക്കോ, വില്യംസ് കരിക്കാമുറി തുടങ്ങിയവർ ചടങ്ങിൽ പങ്കെടുത്തു