വൈപ്പിൻ: മെഡി​ക്കൽ ഓക്‌സിജൻ സിലിണ്ടറുകൾക്ക് വിലയേറുന്നു. 7 കിലോ സിലിണ്ടറിന് 480 രൂപയാണ് വില. കടയിൽ 4000 രൂപ സെക്യൂരിറ്റിയായും നൽകണം. ഗ്രാമപ്രദേശങ്ങളിലൊന്നും സിലിണ്ടറുകളുടെ ഏജൻസിയില്ല. സിലിണ്ടറിന്റെ വിലയ്ക്കു പുറമേ ഓട്ടോകൂലിയും ചിലവാകും. ശ്വാസകോശ രോഗങ്ങൾ കലശലായവർക്ക് മാസം രണ്ട് സിലിണ്ടറെങ്കി​ലും വേണം. ഗുരുതരമല്ലാത്ത രോഗികൾക്ക് വീട്ടിൽ ചികിത്സ നടത്താം.

കൊവിഡ് വന്നതോടെയാണ് ഓക്സി​ജൻ സിലിണ്ടറുകൾക്ക് ഡി​മാൻഡേറി​യത്. വിലയുമേറി​. നാട്ടിലെ പൊതുപ്രവർത്തകരുടെ കാരുണ്യത്താൽ പ്രാണവായു ശ്വസി​ച്ചി​രുന്നവരാണ് വലയുന്നത്. സി​ലിണ്ടർ ക്ഷാമം വന്നതോടെ സന്നദ്ധപ്രവർത്തകരും നിസഹായരാകുകയാണ്.