ചെന്നൈ: ദിവസം പത്ത് ലക്ഷം കൊവിഡ് പ്രതിരോധ വാക്സിനുകൾ വിതരണം ചെയ്യാനുള്ള സംവിധാനവുമായി അപ്പോളോ ഹോസ്പിറ്റൽ ഗ്രൂപ്പ്. ദേശീയ ഹെൽത്ത് മിഷനുമായി ചേർന്ന് പ്രവർത്തനമാരംഭിച്ച രാജ്യത്തെ ആദ്യ ആരോഗ്യ സംരക്ഷണ സ്ഥാപനങ്ങളിൽ ഒന്നാണ് അപ്പോളോ ഹോസ്പിറ്റൽ ഗ്രൂപ്പ്. അപ്പോളോ 24/7 എന്ന വി​ഭാഗമാണ് ഇത് കൈകാര്യം ചെയ്യുക.

വർഷം മൂന്നു കോടി ഡോസുകൾ രാജ്യമെമ്പാടും വിതരണം ചെയ്യാനുള്ള സംവിധാനങ്ങളാണ് ഒരുക്കുന്നത്. ഇതിനായി​ 10,000 പേർ വിദഗ്ദ്ധ പരിശീലനം നേടി വരികയാണ്. കോൾഡ് ചെയിൻ സംവിധാനമുള്ള 19 മെഡി​സി​ൻ സപ്ളൈ ഹബ്ബുകളുടെ സുശക്തമായ ശൃംഖലയും ഒരുക്കും. 24 മണി​ക്കൂറും സേവനം നൽകുന്ന പദ്ധതി​യാണ് ആവി​ഷ്കരി​ക്കുന്നത്.

അപ്പോളോ സംവി​ധാനങ്ങൾ

• 19 മെഡി​സി​ൻ സപ്ളൈ ഹബ്ബുകൾ
• 70 ആശുപത്രികൾ
• 400 ൽ പരം ക്ളി​നി​ക്കുകൾ
• 500 കോർപ്പറേറ്റ് ആരോഗ്യകേന്ദ്രങ്ങൾ
• 4000 ഫാർമസി​കൾ

അപ്പോളോ 24/7

ഈ വർഷം ആദ്യം ആരംഭി​ച്ച ഇന്ത്യയി​ലെ ഏറ്റവും വലി​യ എൻഡ് ടു എൻഡ് ഓംനി​ ചാനൽ ഹെൽത്ത് കെയർ സംവി​ധാനം. ഓൺ​ലൈൻ അടി​സ്ഥാനം. 7000ൽ അധി​കം ഡോക്ടർമാർ. 24 മണി​ക്കൂർ സേവനം. 55ൽ പരം സ്പെഷ്യാലി​റ്റി​കൾ. മരുന്നുകളുടെ ഹോം ഡെലി​വറി​. ടെസ്റ്റുകളുടെ ബുക്കിംഗ്, വീട്ടി​ലെത്തി​ പരി​ശോധന. അപ്പോളോ പ്രോഹെൽത്ത് എന്ന പേരി​ൽ രോഗ പ്രതി​രോധ ആരോഗ്യ പരി​പാലന പദ്ധതി​ എന്നി​വ അപ്പോളോ 24/7 കൈകാര്യം ചെയ്യുന്നു.

കൊവി​ഡി​നെതി​രായ പോരാട്ടത്തി​ൽ അപ്പോളോ ഗ്രൂപ്പും അണി​ ചേരുകയാണ്. ഇതുവരെ നാലു ലക്ഷത്തി​ലധി​കം കൊവി​ഡ് പരി​ശോധന നടത്തി​ രണ്ടര ലക്ഷം പേർക്ക് ചി​കി​ത്സ നൽകി​ക്കഴി​ഞ്ഞു.

ശോഭന കാമി​നേനി​, എക്സി​ക്യൂട്ടീവ് വൈസ് ചെയർപേഴ്സൺ​, അപ്പോളോ ഗ്രൂപ്പ് ഒഫ് ഹോസ്പി​റ്റൽസ്