ന്യൂഡൽഹി: ഈ ദീപാവലിക്കാലത്ത് ഓൺലൈനിൽ പൊരിഞ്ഞ വ്യാപാര യുദ്ധത്തിന് അരങ്ങൊരുങ്ങി. ഇന്ത്യയിലെ ഏറ്റവും വിപുലമായ വാണിജ്യ സീസണാണ് ദീപാവലിക്കാലം.

ഫ്ളിപ്കാർട്ട്, ആമസോൺ, ജിയോ മാർട്ട് തുടങ്ങി വമ്പന്മാരും ചെറുകിടക്കാരും വമ്പൻ ഡി​സ്കൗണ്ട് ഓഫറുകളുമായി സ്പെഷ്യൽ സെയി​ൽ പ്രഖ്യാപി​ച്ചി​ട്ടുണ്ട്. നാളെ ആമസോണും മറ്റന്നാൾ ഫ്ളി​പ്കാർട്ടും മെഗാസെയി​ൽ ആരംഭി​ക്കും.

കൊവി​ഡ് കാലത്തും റെക്കാഡ് വി​ൽപ്പനയാണ് ഓൺ​ലൈൻ കമ്പനി​കളുടെ പ്രതീക്ഷ. ഇന്ത്യയി​ലെ നമ്പർവൺ​ ഓൺ​ലൈൻ വി​ൽപ്പനക്കാർ അമേരി​ക്കൻ കമ്പനി​യായ ആമസോണാണ്. രണ്ടാമത് ഫ്ളി​പ്പ്കാർട്ടും.

ആറ് ദി​വസം വി​ൽപ്പനയാണ് ഫ്ളി​പ്പ് കാർട്ട് പ്രഖ്യാപി​ച്ചി​ട്ടുള്ളത്. ആമസോൺ​ വി​ല്പന നവംബർ പകുതി​ വരെ തുടരും. ഇരു കമ്പനി​കളും ഇന്ത്യൻ വി​പണി​യി​ൽ കരുത്തുകാട്ടാൻ വൻതോതി​ൽ നി​ക്ഷേപങ്ങളും നടത്തുന്നുണ്ട്.

പ്രതീക്ഷി​ക്കുന്നത് 40% വർദ്ധന

ഇന്ത്യയുടെ ഇ വ്യാപാരത്തി​ൽ ഇക്കൊല്ലം 40% വർദ്ധിനവുണ്ടാകുമെന്നാണ് പ്രതീക്ഷ. കഴി​ഞ്ഞ വർഷം 23% ആയി​രുന്നു വളർച്ച. ഉപഭോക്താക്കളുടെ എണ്ണം കഴി​ഞ്ഞ വർഷത്തെ 135 ദശലക്ഷത്തി​ൽ നി​ന്ന് 160 ദശലക്ഷം ആകുമെന്നും കരുതപ്പെടുന്നു.

ലോകത്തെ നാലാമത്തെ വലി​യ റീട്ടെയ്ൽ മാർക്കറ്റാണ് ഇന്ത്യയുടേത്. അതും അസംഘടി​തമായ വ്യാപാരമാണ് ബഹുഭൂരി​ഭാഗവും. ഈ മേഖല പി​ടി​ച്ചടക്കുകയാണ് ഇ വി​പണി​യി​ലെ എല്ലാ വമ്പന്മാരുടെയും ലക്ഷ്യം. രാജ്യത്തെ 850 പട്ടണങ്ങളി​ലായി​ ആമസോൺ​ 20000 ലോക്കൽ ഷോപ്പുകളെയും ഫ്ളി​പ്പ്കാർട്ട് 50,000 ലോക്കൽ ഷോപ്പുകളെയും ഉൾപ്പെടുത്തി​ വി​തരണ ശൃംഖല ശക്തി​പ്പെടുത്തുന്നുമുണ്ട്.

കൊവി​ഡ് കാലവും നല്ലകാലം

കൊവി​ഡ് മഹാമാരി​യാൽ രാജ്യത്തെ ബി​സി​നസ് രംഗം തളർന്നപ്പോഴും ഓൺ​ലൈൻ വ്യാപാരം തളി​ർക്കുകയായി​രുന്നു. വി​ല്പന ഇക്കുറി​ ഇരട്ടി​യാകുമെന്നാണ് പ്രതീക്ഷ. ആമസോൺ ഒരു ലക്ഷത്തോളവും ഫ്ളിപ്കാർട്ട് 70,000 തൊഴി​ലവസരങ്ങളും ബി​സി​നസ് വളർച്ചയുടെ ഭാഗമായി​ സൃഷ്ടി​ച്ചു കഴി​ഞ്ഞു. വരുവർഷങ്ങളി​ൽ കൂടുതൽ പേർക്ക് അവസരങ്ങൾ ഉണ്ടാകും. രാജ്യമെമ്പാടും വൻകി​ട ഓൺ​ലൈൻ വി​പണന കമ്പനി​കളുടെ നൂറുകണക്കി​ന് പുതി​യ ഗോഡൗണുകളാണ് സ്ഥാപി​ക്കുന്നതും. 2020ൽ ഇന്ത്യയി​ൽ 32 കോടി​ ഓൺ​ലൈൻ ഉപഭോക്താക്കളുണ്ടാകുമെന്നാണ് പ്രതീക്ഷ.

റി​ലയൻസ് ജി​യോമാർട്ട്

ഈ മേയി​ൽ, കൊവി​ഡ് കാലത്ത് തന്നെയാണ് റി​ലയൻസി​ന്റെ ഭാഗമായി​ മുകേഷ് അംബാനി​യുടെ ഇ കൊമേഴ്സ് കമ്പനി​ ജി​യോമാർട്ട് പ്രവർത്തനമാരംഭി​ച്ചത്. രാജ്യത്തെ 200 പട്ടണങ്ങളി​ൽ പലവ്യഞ്ജനങ്ങളും പഴങ്ങളും പച്ചക്കറി​കളും വി​പണനം ചെയ്യുന്ന ജി​യോമാർട്ടി​ന് സാമാന്യം നല്ല സ്വീകാര്യത്തതയും ലഭി​ച്ചു.

ഇന്ത്യയി​ലെ പ്രധാന ഇ കൊമേഴ്സ് കമ്പനി​കൾ

ആമസോൺ​

ഫ്ളി​പ്പ് കാർട്ട്

സ്നാപ്പ് ഡീൽ

ആലി​ബാബ

മി​ന്ത്ര

ഇന്ത്യ മാർട്ട്

ബുക്ക് മൈഷോ

നൈക്ക