പാമ്പനാർ: ശ്രീനാരായണ ട്രസ്റ്റ് ആർട്‌സ് ആൻഡ് സയൻസ് (എയ്ഡഡ്) കോളേജിൽ ഒന്നാം വർഷ ബി.എ ഇംഗ്ലീഷ്, ബി.എസ്.സി മാത്തമാറ്റിക്‌സ്, ബി.കോം ഓഫീസ് മാനേജ്‌മെന്റ് ആൻഡ് സെക്രട്ടേറിയൽ പ്രാക്ടിസ് എന്നീ കോഴ്‌സ്‌കളിൽ ഏതാനും സീറ്റുകൾ കമ്മ്യൂണിറ്റിക്വാട്ടയിൽ (ഈഴവ വിഭാഗം ) ഒഴിവുണ്ട് . അപേക്ഷ നൽകാൻ ആഗ്രഹിക്കുന്ന വിദ്യാർത്ഥികൾ അറിയിപ്പ് ലഭിച്ചതിനു ശേഷം 7 (ഏഴ്) ദിവസത്തിനകം കോളേജ് ഓഫീസിൽ അപേക്ഷ സമർപ്പിക്കേണ്ടതാണ്. അപേക്ഷയോടൊപ്പം മഹാത്മാഗാന്ധി സർവകലാശാല ക്യാപ് രജിസ്‌ട്രേഷന്റെ കോപ്പിയും, എസ്. എസ്. എൽ. സി, പ്ലസ് ടു സർട്ടിഫിക്കറ്റിന്റെ കോപ്പിയും,കമ്മ്യൂണിറ്റി ക്വാട്ട അപേക്ഷ ഫീസ് എന്നിവയും നൽകേണ്ടതാണ് . അപേക്ഷ ഫീസ് ഇല്ലാത്ത അപേക്ഷകൾ സ്വീകരിക്കുന്നതല്ല. മാനേജ്‌മെന്റ് ക്വാട്ടയിൽ അപേക്ഷ നൽകാൻ ആഗ്രഹിക്കുന്നവർ അപേക്ഷ പൂരിപ്പിച്ച് കോളേജ് ഓഫീസിൽ നൽകേണ്ടതാണ്. കമ്മ്യൂണിറ്റി / മാനേജ്‌മെന്റ് ക്വാട്ടയുടെ വിശദവിവരം കോളേജ് വെബ്‌സൈറ്റിൽ (www.sntascpambanar.in) ലഭിക്കുന്നതാണ്.