പറവൂർ: പ്രളയാനന്തര പുനർനിർമ്മാണ പ്രവർത്തനങ്ങളുടെ ഭാഗമായി പുനർജനി പറവൂരിന് പുതുജീവൻ പദ്ധതിയിൽ മൂത്തകുന്നം മടപ്ളാതുരുത്ത് കോഴിക്കൽ സരസു വത്സലന്റെ കുടുംബത്തിന് നിർമ്മിച്ചു നൽകിയ വീടിന്റെ താക്കോൽ വി.ഡി. സതീശൻ എം.എൽ.എ കൈമാറി. ചേന്ദമംഗലം മാൻഗ്രോവ് ഹെറിറ്റേജ് ഹോമിന്റെ സഹകരണത്തോടെയാണ് വീട് നിർമ്മിച്ചത്. ബീന രത്നൻ, കാസിം കണ്ടോത്ത്, നാണു വിശ്വനാഥൻ, ടി.ജി. ശിവദാസൻ, കെ.ആർ. ശ്രീരാജ്, കെ.എഫ്. ജോബ് എന്നിവർ പങ്കെടുത്തു.