കൊച്ചി: ലക്ഷദ്വീപിലേക്ക് കഞ്ചാവ് കടത്തുന്ന സംഘത്തിലെ പ്രധാനിയായ സൈനികൻ കടമത്ത് ദ്വീപിൽ തിരുവത്ത്പുര അബ്ദുൾ നാസിദിനെ (29) രണ്ടരക്കിലോ കഞ്ചാവുമായി ഹാർബർ പൊലീസ് അറസ്‌റ്റു ചെയ്‌തു. കഴിഞ്ഞ മാസം 19 ന് ഒരു കിലാേ കഞ്ചാവ് നാലു പാഴ്സലുകളിലായി തപാൽ മാർഗം ലക്ഷദ്വീപിലേക്ക് കടത്താൻ ശ്രമിച്ചത് സി.ഐ.എസ്.എഫ് പിടികൂടിയിരുന്നു. അവ ഹാർബർ പൊലീസിന് കൈമാറുകയും ചെയ്‌തു. താപാലിലെ മേൽവിലാസത്തിൽ നടത്തിയ അന്വേഷണമാണ് നാസിദിലേക്ക് എത്തിയത്. എറണാകുളം ടി.ഡി. റോഡിലുള്ള ഒരു മുറിയിൽ ഒളിവിൽ കഴിയുയകായിരുന്നു പ്രതി. ഇയാൾ ആർമിയിലെ ഉദ്യോഗസ്ഥനെന്നാണ് നിലവിൽ ലഭിക്കുന്ന വിവരമെന്ന് പൊലീസ് പറഞ്ഞു. ഹാർബർ സി.ഐ. സിൽവസ്‌റ്റർ, എസ്.ഐ ടി.ജി. രാജേഷ് എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.