കോലഞ്ചേരി: മോറക്കാല സെന്റ് മേരീസ് ഹയർ സെക്കൻഡറി സ്‌കൂളിലെ എൻ.എസ്.എസ് യൂണി​റ്റിന്റെ നേതൃത്വത്തിൽ വോളണ്ടിയർമാർ നിർമ്മിച്ച പേപ്പർ ബാഗുകളുടെ വിതരണോദ്ഘാടനം ബ്ലോക്ക് പഞ്ചായത്തംഗം കെ. കെ രമേശൻ നിർവഹിച്ചു. പേപ്പർബാഗ് ചലഞ്ചുമായി ബന്ധപ്പെട്ടാണ് കുട്ടികൾ പരിസ്ഥിതിക്കിണങ്ങുന്ന ബാഗുകൾ നിർമ്മിച്ച് വിതരണം ചെയ്തത് .ചടങ്ങിൽ സ്‌കൂൾ മാനേജർ ജോർജ്ജ് എബ്രാഹാം അദ്ധ്യക്ഷനായി . പ്രിൻസിപ്പൽ പി.വി ജേക്കബ്,ഹെഡ്മാസ്​റ്റർ,ജോസ് മാത്യു ,പ്രോഗ്രാം ഓഫീസർ എൽദോ ജോൺ, പഞ്ചായത്തംഗം സെലിൻ എബ്രാഹാം എന്നിവർ സംസാരിച്ചു.