കോലഞ്ചേരി: സുഭിക്ഷ കേരളം,ഹരിത കേരളം പദ്ധതികളുടെ ഭാഗമായി സി.പി.എം കോലഞ്ചേരി ലോക്കൽ കമ്മി​റ്റിയുടെ കരനെൽകൃഷി കൊയ്ത്തുത്സവം ജില്ലാ സെക്രട്ടറി സി.എൻ മോഹനൻ ഉദ്ഘാടനം ചെയ്തു. ലോക്കൽ സെക്രട്ടറി എൻ.വി കൃഷ്ണൻ കുട്ടി, ഏരിയാ കമ്മി​റ്റി അംഗങ്ങളായ എം.എൻ മോഹനൻ,എ.ആർ രാജേഷ്, പൂതൃക്ക പഞ്ചായത്ത് പ്രസിഡന്റ് ഷിജി അജയൻ, ജില്ലാ പഞ്ചായത്തംഗം ജോർജ് ഇടപ്പരത്തി തുടങ്ങിയവർ പങ്കെടുത്തു. സുഭിക്ഷ കേരളം പദ്ധതിയുടെ ഭാഗമായി സി.പി.എം കോലഞ്ചേരി ലോക്കൽ കമ്മി​റ്റിയുടെ നേതൃത്വത്തിലാണ് കൃഷി ഇറക്കിയത്. കര നെൽകൃഷി കൂടാതെ പച്ചക്കറികൃഷിയും നടത്തുന്നുണ്ട്.