കോലഞ്ചേരി: കോലഞ്ചേരി ബി.ആർ.സിയിൽ ഭിന്നശേഷികുട്ടികൾക്കായി വൈദ്യ പരിശോധനാ ക്യാമ്പ് നടത്തി. പൊതുവിദ്യാലയങ്ങളിൽ പഠിക്കുന്ന കുട്ടികൾക്കായാണ് ക്യാമ്പ് സംഘടിപ്പിച്ചത്. വടവുകോട് ബ്ലോക്ക് പഞ്ചായത്ത് വൈസ് പ്രസിഡന്റ് ബിനീഷ് പുല്യാട്ടേൽ ഉദ്ഘാടനം ചെയ്തു. കോലഞ്ചേരി ബ്ലോക്ക് പ്രൊജക്ട് കോ ഓർഡിനേറ്റർ ടി.രമാഭായി അദ്ധ്യക്ഷയായി. എച്ച്.എം ഫോറം പ്രസിഡന്റ് സി.കെ രാജൻ, സെക്രട്ടറി അനിയൻ.പി ജോൺ, ട്രെയ്‌നർമാരായ ഐ.എച്ച് റഷീദ, എസ്.ജെ ജയശ്രീ, കെ.വി റെനി, സ്‌പെഷ്യൽ ഏഡ്യുക്കേറ്റർമാരായ പി.വി ബീന, പി.കെ ചന്ദ്രിക, കെ.എൻ വീണ എന്നിവർ സംസാരിച്ചു. അസ്ഥിരോഗവിദഗ്ദ്ധൻ ഡോ. തോമസ്‌കുരുവിള, ഓർത്തോ ടെക്‌നീഷ്യൻ വി.ജി സിജു എന്നിവർ നേതൃത്വം നൽകി.