മഴുവന്നൂർ: സുഭിക്ഷ കേരളം പദ്ധതിയുടെ ഭാഗമായി കൃഷി വകുപ്പിന്റെയും സിന്തൈ​റ്റ് ഇൻഡസ്ട്രീസിന്റെയും സഹകരണത്തോടെ നടപ്പിലാക്കിയ വിവിധ കാർഷിക വിളകളിൽ പരീക്ഷണ അടിസ്ഥാനത്തിൽ ചെയ്ത ചോളം നൂറുമേനി വിളവ് ലഭിച്ചു. ലോക്ക്ഡൗൺ കാലത്ത് ആരംഭിച്ച കപ്പ, മഞ്ഞൾ, ചേന, ചേമ്പ്, ഇഞ്ചി, വാഴ, കൂർക്ക തുടങ്ങിയ നിരവധി കൃഷികൾക്കൊപ്പമായി​രുന്നു ചോളം കൃഷിയും. വാര്യർ ഫൌണ്ടേഷനായി​രുന്നു കൃഷി​ നടത്തി​യത്. ജില്ലാ പഞ്ചായത്തംഗം ജോർജ് ഇടപ്പരത്തി വിളവെടുപ്പ് ഉദ്ഘാടനം നിർവഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് ബിനീഷ് പുല്യാട്ടിൽ അദ്ധ്യക്ഷനായി. കൺവീനർ അനിയൻ പി.ജോൺ, കമ്മി​റ്റി അംഗങ്ങളായ രാജു പി.ഒ, ഏലിയാസ് ജോൺ, പി.കെ കുട്ടികൃഷ്ണൻ നായർ, എം.പി പൈലി, വില്യംസ്.കെ അഗസ്​റ്റിൻ എന്നിവർ വിളവെടുപ്പിനു നേതൃത്വം നൽകി.