കോലഞ്ചേരി: നവ മാദ്ധ്യമങ്ങളിലും ബാങ്കിംഗടക്കം ഓൺലൈൻ ഇടപാടുകളിലും പാസ്‌വേഡിൽ ശ്രദ്ധ വേണം. അല്ലെങ്കിൽ പണി പാളും.

ഇമെയിൽ സേവന ദാതാക്കളോ ബാങ്കുകളോ ഈ മെയിലിലൂടെ പാസ്‌വേഡോ മ​റ്റു സ്വകാര്യ വിവരങ്ങളോ ആവശ്യപ്പെടാറില്ല. എന്നി​ട്ടും നൂറുകണക്കി​ന് പേരാണ് പാസ്‌വേഡും യൂസർ നെയി​മും കൈമാറിയും അശ്രദ്ധമൂലവും​ തട്ടി​പ്പുകൾക്കി​രയാകുന്നത്.

• സ്വന്തം നിയന്ത്റണത്തിലല്ലാത്ത കമ്പ്യൂട്ടറുകളിൽ പാസ്‌വേഡുകൾ സൂക്ഷിക്കരുത്

• ആരുമായും ഒരു കാരണവശാലും പാസ്‌വേഡുകൾ പങ്കുവക്കരുത്.

• ഒന്നിൽ കൂടൂതൽ അക്കൌണ്ടുകൾക്ക് ഒരേ പാസ്‌വേഡുകൾ ഉപയോഗിക്കരുത്.

• യൂസർ ഐഡിയോടു സാമ്യമുള്ള പാസ്‌വേഡുകൾ ഉപയോഗിക്കാതിരിക്കുക.

• പാസ്‌വേഡുകൾ എഴുതി സൂക്ഷിക്കുകയാണെങ്കിൽ അതിന്റെ സുരക്ഷ ഉറപ്പു വരുത്തണം.

• യൂസർ ഐഡിയും പാസ്‌വേഡും വ്യത്യസ്ത ഇടങ്ങളിൽ മാ​റ്റി ഉപയോഗിക്കാതിരിക്കുക.

• വ്യക്തി​ഗതവിവരങ്ങൾ പാസ്‌വേഡാക്കരുത്. ജനനത്തീയതി, വാഹന രജിസ്‌ട്രഷൻ നമ്പർ, മക്കളുടേയോ ഭാര്യയുടേയോ പേര് തുടങ്ങിയവ.

• വളരെ ലളിതവും ഊഹിക്കാൻ എളുപ്പവും ഉള്ള പാസ്‌വേഡുകൾ ഒഴി​വാക്കുക.

• കീബോർഡിൽ അടുത്തടുത്തു വരുന്ന അക്ഷരങ്ങളും അക്കങ്ങളും ഒഴി​വാക്കുക. (ഉദാ: QWERTY, ASDFG, ZXCV തുടങ്ങിയവ).

• നിശ്ചിത ഇടവേളകളിൽ പാസ്‌വേഡുകൾ മാ​റ്റുക.

• പാസ്‌വേഡുകൾ പോലെത്തന്നെ പ്രധാന്യമുള്ളതാണ് യൂസർ ഐഡിയും. എളുപ്പത്തിൽ ഊഹിക്കാവുന്നവ ഒഴിവാക്കുക. ADMIN, ADMINISTRATOR തുടങ്ങിയവ ഹാക്കർമ്മാർക്ക് പ്രിയപ്പെട്ടതുമാണ്.

• ബ്രൗസറുകളിൽ പാസ്‌വേഡുകൾ സൂക്ഷിക്കുമ്പോൾ അവയേ ഒരു മാസ്​റ്റർ പാസ്‌വേഡ് കൊണ്ട് സുരക്ഷിതമാക്കുക.

• ഇന്റർനെ​റ്റ് കഫേകളിലൂടെയും മ​റ്റും ഓൺലൈൻ ഇടപാടുകൾ നടത്തുമ്പോൾ മതിയായ സുരക്ഷാസംവിധാനങ്ങൾ ഉറപ്പു വരുത്തുക. കുക്കീസ് ബ്രൗസിംഗ് ഹിസ്​റ്ററി തുടങ്ങിയവ നീക്കം ചെയ്യുക.